Mero marmitakoa
- Errezeta
- Bidali iruzkina
Osagaiak
- Salda egiteko:
- Meroaren azal eta hezurrak, kilo erdia
- Oliba olio birjina, estra, 2 koilarakada handi
- 2 azenario, xerratan
- Baratxuri ale bat, zuritua
- Tipula bat, txikitua
- Porru bat, txikitua
- Ura
- Marmitakoa egiteko:
- Oliba olio birjina, estra, 4 koilarakada
- Pipermorro gorri bat
- 2 piper berde
- 2 piper txorizeroren mamia, uretan beratua
- Tipulin bat, txikitua
- Baratxuri ale bat, txikitua
- 4 patata eder
- Katilu bat tomate-saltsa
- Gainera:
- Oliba olio birjina, estra, 2 koilarakada
- Mero dado handi eta garbiak, 400 g
- Perrexil txikitua
- Gatza
*Lau pertsonentzat
Errezeta
Salda egiteko: Kazola batean olioa jarri eta axal eta hexurrak frijitu su bizi samarrean eta gero barazkiak gehitu. Ur askorekin estaliko dugu dena, gatz pixka bat eman eta irakin dezala 15 bat minutuz. Gero iragazkitik pasatu.
Marmitakoarekin segitzeko: Su ezti-eztian frijituko ditugu 5 minutuz, oliotan, piper eta tipulin txikituak. Baratxuria gehitu eta nahasi egingo dugu. Patatak zuritu eta lehengo moduan krask eginez zatituko ditugu. Barazkiekin batera frijituko ditugu orain patatak su motelean minutu batzuetan. Tomate-saltsa erantsi eta dagoela dena beste zenbait minutuz su motelean. Aldez aurretik prestatua dugun saldarekin estali, gatza bota eta su motelean egos dadila dena patata behar den puntuan izan arte.
Bukatzeko: 2 koilarakada olio jarri zartagin batean eta bero-bero dagoenean mero dado gazituak salteatu. Bizi-bizi egin behar dugu hori, arraina lehor ez dadin. Egositako patatetara irauli. Gatzik behar ote duen begiratu eta perrexila bota par-par. Luze gabe zerbitzatu, meroa, berotan denbora gehiegi emanez gero, lehor litekeelako.
Barazkiak frijitzen ari garenean, min pixka bat ere gehi genezake, nahi izanez gero, pipermina esaterako.
Mero irin-arrautzeztatua
Osagaiak 8 mero puska, azalik gabe, 75 g bakoitzak Oliba olioa, frijitzeko Baratxuri ale bat Irina eta arrautza joa Gatza *Lau pertsonentzat Errezeta Gatza emango diegu mero puskei. Padera batean olio pixar bat isuri eta …
Mero kokotea labean
Osagaiak 2 mero kokote ertain, 4 lagunentzat, bitan irekiak, mintz beltzik gabe (erretzeko prestatzeko eskatuko diogu arrain-saltzaileari). Baso erdi bat ardo zuri 10 koilarakada oliba olio 6 baratxuri ale, xerratan moztuak 4 koilarakada sagardo-ozpin Perrexil …
Meroa plantxan
Meroa plantxan – Osagaiak 4 mero solomo, hezurgabetuak, 220 g-koa bakoitza, hexurrik gabe. 2 koilarakada oliba olio Koilarakada bat sagardo-ozpin Perrexil txikitua Saltsa tartaroa Gatza Meroa plantxan Errezeta Mero solomoak gazitu, bi aldeetatik, eta oliba …
Mero errea txirlekin
Mero errea txirlekin – Osagaiak Mero bat, 4 lagunentzat, ezkatarik, alboko hezurrik eta errairik gabe Baso erdia ardo zuri 7 koilarakada oliba olio 6 baratxuri ale, xaflatan 4 koilarakada sagardo-ozpin Kg bat txirla Perrexil xehatua …
Mero hegalak saltsa berdean patatekin
Osagaiak Mero freskoaren hegalak, garbiak, hondar beltzak-eta kenduta. Kilo bat 10 koilarakada oliba olio Baso erdi bat ardo zuri Arrain salda edo ura 2 baratxuri ale, txikituak Perrexil txikitua Patata txiki batzuk, egosiak, xerra lodi …
