Eltzekaria nola egin
- Errezeta
- Bidali iruzkina
- Antzeko errezetak
Osagaiak
- Porru bat
- 2 azenario
- Arbi bat
- Tipula bat, iltze usaintsu bat ziztaturik duela
- Baratxuri-buru bat
- 10 koilarakada oliba olio
- 2 hanka hezur eta 2 belaun hezur
- 200 g txerri saiheski
- 200 g txerri urdai
- Kg bat behi zankar
- Oilo laurden bat
- Txorizo fresko bat
- Eskukada bat perrexil
- 200 g txitxirio edo garbantzu, bezperatik beratzen jarriak
- 2 patata, zati handi xamarretan moztuak
- Eskukada bat fideo
- Gatza
Errezeta
Barazkiak eta haragia garbituko ditugu. Sare batean sartuko ditugu txitxirioak, barreia ez daitezen. Eltze zabal batean sartuko ditugu osagai guztiak (txorizoa eta patatak izan ezik); urez estali eta olioa gaineratuko dugu. Hiruzpalau orduz edukiko dugu eltzekoa su ertainean egosten, aparra aldiro-aldiro atereaz. Irakinean egongo da etengabe; bestela, gogortu egingo zaigu txitxirio. Bukatu baino ordu erdia lehenago sartuko ditugu txorizoa eta patata puskak.
Hiru iraulitan zerbitzatuko ditugu gaiak. Zopa joango da aurren (saldari koipea erretiratu eta hartan egingo ditugu fideoak); txitxirioak joango dira hurren, eta haiekin batean barazkiak, patatak, txorizoa, hezur muindunak, txerri saiheskia eta urdaia (zatitu egingo dugu hau guztia, lekalearekin aurkezteko), eta haragia aurkeztuko dugu hurren, piperrada edo tomate saltsarekin.
Zankarra izaten da haragi erabiliena, baina beste batzuk ere bidera daitezke haren ordez (gomendatzekoak dira bereziki isatsa eta matrailak). Haren zaporeari emango zaion garrantziaren arabera sartuko dugu haragia lehenago edo geroago: nahiago badugu eltzekariak haren zaporea izan dezan, barazkiekin batera sartuko dugu, ur hotzean (txitxirioak, ura irakitean); mamitsu egotea nahiago badugu, eltzekoa ia irakitan dagoela sartuko dugu. Irakin arinean egosiko dugu etengabe eltzekoa.
Txitxirio egosiak
Txitxirio egosiak – Osagaiak Gutxienez 12 orduz beratzen edukitako txitxirioak, kilo erdia Tomate txiki bat, garbia Porru txiki bat, garbia Azenario bat, zurituta Tipula ertain bat, txiki-txiki eginda Zorratada bat oliba olio 2 baratxuri ale, …
Txerri muinak egosteko era
Beharrezkoak 8 txerri muin Baratxuri-buru baten aleak, azala eta guzti Porru bat, pikatua Tipulin bat, pikatua Perrexil adaxka batzuk Xorta bat oliba olio Xorta bat sagardo-ozpin Ura eta gatza Errezeta Muinak uretan pasa eta beratzen …
Txerri saiheskiak labean erreta baratxuri, perrexil eta ziapearekin
Osagaiak Txerri saiheskia, 4 puska eder 2 baratxuri ale, pikatuak Perrexila, zerrendatan moztua Xorta bat oliba olio Xorta bat limoi zuku Koilarakada bete ale-ziape Xorta bat ozpin Xorta bat ardo zuri Ura eta gatza *Lau …
Behi mingaina ardo beltzaren saltsan
Behi mingaina ardo beltzaren saltsan – Osagaiak Behi mingain bat 1,5 l ur Haragi salda kontzentratua, pastilla bat Tipula bat, zerrendetan zatitua 2 baratxuri ale 2 azenario, xerratuak Porru bat, xerratua Oliba olio pixar bat …
Patata xerrak, gurin, mahaspasa eta mendarekin
Osagaiak Patata ertain zurituak eta zentrimetro erdiko xerratan zatituak, 800 g Mahaspasa mamitsu eta zukutsuak, eskutada bat Litro erdi bat ur Salda-kontzentratuaren pastilla baten zimiko bat 150 g gurin Menda hostoak, eskutadatxo bat Gatza Errezeta …