Sagar tarta mahaspasekin
- Errezeta
- Bidali iruzkina
Sagar tarta mahaspasekin –
Osagaiak
- Tarta molde bat, labean berotutako masa hautsi fin-finaz estalia, hotza
- 6 sagar, zurituak, dadotan moztuak
- Korintoko mahaspasak, eskutada bat (sobera lehor baleude, zenbait orduz eduki beratzen Calvados-etan)
- Zurrusta bat Calvados (edo horrelako beste pattar bat: rona, cognac, armagnac…
- Gurin puska eder bat
- Koilarakada bat azukre
- Bainila leka bat, irekia eta aletua
- Almendra orea:
- 55 g irin
- 55 g azukre
- 45 g almendra hauts
- 45 g gurin bigun
Sagar tarta mahaspasekin
Errezeta
Azukrea, zartagin batean su eztian, karamelu bihurtu dadila eta kolore horixka-gorrixka hartzen duenean gurina gehitu, azukre beroarekin bat egin dezan. Orduan agudo erantsi sagar dadoak eta bainila leka irekia eta bere aleak, uneoro zartaginari eragiteari utzi gabe. 10 bat minutu pasatuta horrela, alkohola gehitu, su har dezan utzi eta bertara irauli mahaspasak, sagar salteatuen zaporea har dezan denak. Sutatik baztertu padera eta dena katilu batean sartu. Hozten denean, bainila leka kendu, beste zerbaitetarako behar badugu ere, eta egin dugun nahastura labean berotutako tarta-oinarri batean jarriko dugu, koilararen sabelaldearekin hedatuz.
Bizkitartean almendra orea prestatuko dugu…Irinarekin azukrea eta almendra txikituak nahasi eta, azkenean, gurin biguna gehitu, baina erne, bigun, ez urtua. Behatz-mamiekin nahasi hondartzako harea finaren itxura hartu arte. Harea horrekin moldearen hondoan jarritako sagar eta pasak estali eta labean edukiko dugu tarta, 190 graduan, 30 bat minutuz, tartaren gainaldea gorritzen den arte, kolore polita izan arte. Behin hoztutakoan, parparrean bota azukre hautsa gainetik eta izozki oso krematsu batekin batera zerbitzatu.
Sagar tarta mahaspasekin
Ozpin-olioa fruitu lehorrekin
Osagaiak Kakahuete olioa edo ekilore olioa, litro erdia Oliba olio birjina, estra, litro erdia Pinazi txigortuak, koilarakada bat Hur txigortuak, koilarakada bat 100 g sagardo-ozpin 100 g limoi zuku Gatza eta piperbeltz beltza, eho berria …
Gabon konpota
Gabon konpota – Osagaiak 2 l ur Litro bat ardo beltz, ona 400 g azukre Kanela, ezpal bat Litro laurdena mertxika-zati lehor Litro laurdena aran pasa Litro laurdena piku lehor Litro laurdena mahaspasa . . …
Praline saltsa
Praline saltsa – Osagaiak Litro laurdena saltsa ingeles Litro laurdena esnegain erdi harrotu Fruitu lehorren pralinea, 5 koilarakada Errezeta Pralinerik ez badaukagu, etxean presta dezakegu, irabiagailuan fruitu lehorrak, txigortuak eta zurituak, sarturik: kakahueteak, arbendolak, pistatxoak …
Tipula potxatua mahaspasekin
Osagaiak 2 kg tipula, zerrenda mehetan moztua 15 koilarakada oliba olio Gatza 10 koilarakada mahaspasa, xukatuak, xamurrak eta hazirik gabe, eta uretan edo, hobe, moskatel edo ardo goxoan beratuak *Lau pertsonentzat Errezeta Oliba olioa eta …
Sagar eta erromero konpota
Sagar eta erromero konpota – Osagaiak 8 sagar, zurituak eta dado handietan zatituak 8 koilarakada azukre Gurina, puska handi bat Erromero adaxka bat Limoi baten zukua Sagar eta erromero konpota Errezeta Gurina kazola zabal batean …
