Txokolate eta banana tarta
- Errezeta
- Bidali iruzkina
Txokolate eta banana tarta –
Osagaiak
- Tarta molde bat, ore hautsiz edo hostorez estalia, labean errea
- 2 banana heldu
- Litro erdia esnegain
- 100 g azukre
- 5 arrautza
- 90 g txokolate beltz
- 30 g txokolate esnedun
Txokolate eta banana tarta
Errezeta
Luzeran mehe edo xerratan moztuko ditugu bananak, hobekien moldatzen garen eran. Labean gorrituriko moldearen hondoa tapizatuko dugu ondoren banana puska horiekin, hutsunerik utzi gabe. Urtu eta gainerako osagaiekin nahasiko dugu txokolatea, hotzean jorik. Labean gorrituriko moldean isuriko dugu ondoren orea, platano xerra edo puska luzeen gainean. Aurrez 150º-tan beroturiko labean sartuko dugu ondoren, eta hartan edukiko dugu 20-30 minutuan. Mamitsu geratuko da barrua, bestela lehortu egiten da. Labeko tenperatura errespetatu behar da. Moldeari eragin eta barrua dardarka ageri behar du. Oso garrantzitsua da hau, horrela bada krematsu geldituko da hoztu eta gero.
Tartaren estalkia egingo dugu ondoren. Hona hemen osagaiak: 100 g txokolate beltz,50 g txokolate esnedun, koilarakada eder bat gurin hotz eta 5 koilarakada esnegain urtu. Mikrouhinetan, indar apalenean, urtuko ditugu txokolateak gopor batean, kontu handiz, erre ez daitezen. Labetik atera bezain laster erantsiko ditugu, bira eta bira, gurina eta esnegain urtua. Ongi loditu eta azal distiratsua lortu duenean irauliko dugu txokolatea labean erretako tartaren gainean. Egoki banatuko dugu txokolatea gainazal guztian. Prest dago. Hiru geruzatan mamituriko tarta bat.
Txokolate eta banana tarta
Txokolate tarta mamitua
Txokolate tarta mamitua – Osagaiak Tarta molde bat, ore hautsiz edo hostorez estalia, labean errea Litro erdia esnegain 100 g azukre 5 arrautza 90 g txokolate beltz 30 g txokolate esnedun Tartaren estalkia osagaiak: 100 …
Banana split
Banana split Osagaiak Banana heldu bat Bainila, txokolate eta marrubi izozkia Txokolate saltsa Esnegaina, harrotua Errezeta Bitan zatituko eta erretilu txiki batean ipiniko dugu banana heldua. Hiru izozki-bolak jarriko ditugu haren gainetik, zeinak bere zapore …
Banana erreak muskat intxaurrarekin
Banana erreak muskat intxaurrarekin – Osagaiak 8 banana eder, azala kendurik gurin biguna, puska polit bat 4 koilarakada azukre Muskat intxaurra xehaturik, pixar bat Ron tanta batzuk, edo gustuko beste pattar bat Banana errea muskat …
Banana tarta mahaspasekin
Banana tarta mahaspasekin – Osagaiak Tarta molde bat, labean berotutako masa hautsi fin-finaz estalia, hotza 5 banana, zurituak, dadotan moztuak Korintoko mahaspasak, eskutada bat (sobera lehor baleude, zenbait orduz eduki beratzen Calvados-etan) Zurrusta bat Calvados …
Txokolate saltsa
Txokolate saltsa – Osagaiak Hiru litro laurden ur 600 g azukre 250 g txokolate mingots 250 g esnegain likido … Errezeta Su ezti-eztian, eltze batean, ura, azukrea eta txokolatea jarriko ditugu. Irakiten hasten denean, esnegaina …
