Banana tarta mahaspasekin

Errezeta

1. Azukrea, zartagin batean su eztian, karamelu bihurtu dadila eta kolore horixka-gorrixka hartzen duenean gurina gehitu, azukre beroarekin bat egin dezan. Orduan agudo erantsi banana dadoak eta bainila leka irekia eta bere aleak, uneoro zartaginari eragiteari utzi gabe.
2. 5 bat minutu pasatuta horrela, alkohola gehitu, su har dezala utzi eta bertara irauli mahaspasak, banana salteatuen zaporea har dezan denak.
3. Sutatik baztertu padera eta dena katilu batean sartu.
4. Hozten denean, bainila leka kendu, beste zerbaitetarako behar badugu ere, eta egin dugun nahastura tarta-oinarri batean jarriko dugu, koilararen sabelaldearekin hedatuz.

Bizkitartean almendra orea prestatuko dugu…

1. Irinarekin 55 g, azukre eta almendra txikituak nahasi eta, azkenean, 45 g gurin biguna gehitu, baina erne, bigun, ez urtua. Behatz-mamiekin nahasi hondartzako harea finaren itxura hartu arte.
2. Harea horrekin moldearen hondoan jarritako banana eta pasak estali eta labean edukiko dugu tarta, 190 graduan, 30 bat minutuz, tartaren gainaldea gorritzen den arte, kolore polita izan arte.
3. Behin hoztutakoan, parparrean bota azukre hautsa gainetik eta izozki oso krematsu batekin batera zerbitzatu.

Banana tarta mahaspasekin