Pikillo piper beteak entsaladan
- Errezeta
- Bidali iruzkina
Osagaiak
- Pikillo piperrak, 2 pote
- Oliba olio pixka bat
- 2 piper berde, zerrendatan moztuak
- 4 tipulin eder, zerrendatan moztuak
- Baratxuri ale bat
- Oliotan edo ozpinetan kontserbatutako hegaluze ongi hautatua, 8 puska
- 6 koilarakada tomate saltsa
- Perrexil xehatua
- Gatza
*Lau pertsonentzat
Errezeta
Poteak ireki eta piperrek duten salda kendu. Zartagin batean lehen erabilitako olio pixka bat jarri, eta jarri han tipulina, piper berdeak eta baratxuri xehatua eztiki frijitzen, gatz pixka bat emanda. Su eztian egiten utzi 30 minutuz, eta pixka bat gorritzen hasten utzi. Bitartean hegaluzeari olioa kendu eta izpitu.
Barazkia eztiki frijitu denean, olioa kendu, katilu batean jarri, hegaluze izpitua eta tomate saltsa gehitu. Bat egin dadila, eraginez, perrexil xehatu pixka bat gehitu, gatz puntua probatu eta, behar izanez gero, zuzendu. Hor dugu piperren betegarria. Orain, bete, kontu handiz, hautsi edo lehertu ez daitezen.
Erretilu batean paratu eta ozpin saltsaz edo allioli mehe-mehe batez ongi zipriztindurik.
Pipermorroak erreta
Osagaiak 15 pipermorro gorri Baratxuri-buru 1 Oliba olio zorrotada bat Gatza *Lau pertsonentzat Errezeta Piperrak uretan garbitu eta xukatu. Osorik utzi, ez zurtoina, ez haziak, ez ezer kendu gabe. Baratxuri aleak askatu burutik, eta azal …
Pikillo piperrak txangurruz beteak
Pikillo piperrak txangurruz beteak – Osagaiak Txangurrua Donostiako eran, hiru kilo laurden 15 koilarakada bexamel, ongi egina Pikillo piperrak, 2 pote Baratxuri-buru bat Oliba olioa Irina eta arrautza irabiatua Gatza Pikillo piperrak txangurruz beteak Errezeta …
Piper berdeen saltsa
Piper berdeen saltsa – Osagaiak Tipula bat, zerrendatan moztua Haragi salda kontzentratua, mutur bat 6 piper berde garbi, zerrendatan moztuak Albahaka hosto handi bat 2 baso bete ur Oliba olioa Esnegaina Gatza Errezeta Tipula, zerrendatan …
Mojo picon
Mojo picon – Osagaiak Baratxuri-buru bat, zuritua Eskukada bat palmondo piper lehor Eskukada bat kumino Koilarakada oparo bat piperrauts gozo Litro laurdena oliba olio birjina 10 koilarakada ardo-ozpin 2 moldeko ogi-xerren mamia Eskukada bat arbendol, …
Bakailaoa tomate eta piperrekin
Osagaiak 4 bakailao solomo beratu, 200 g bakoitzak 4 pipermorro gorri, erreak, zurituak eta zerrendatan moztuak 4 baratxuri ale Tipulin bat, pikatua 6 tomate umo, pikatuak Xorta bat ardo zuri 12 koilarakada oliba olio Ximiko …
