Perretxiko saltsa
- Errezeta
- Bidali iruzkina
Perretxiko saltsa –
Osagaiak
- 2 tipulin eder, pikatuak
- 300 perretxiko, garaikoak (barrengorriak, kardu-perretxikoak, eta abar)
- 3 dl haragi salda edo zopako saldaz hornituriko ur
- 6 koilarakada esnegain urtu
- 4 koilarakada gurin
- 5 koilarakada oliba olio
Perretxiko saltsa
Errezeta
Kazola batean oliba olioa, tipulian eta gatz pikor batzuk erantsi eta su eztian jarriko dugu dena eztitzen. Gardentzen utziko diegu barazkiei, kolorerik hartu gabe. 15 bat minutu guztira. Perretxikoak erantsiko ditugu ondoren, zati txikitan pikatuak. Gatza eman, nahasi eta su eztian utziko ditugu maneatzen, 15 bat minutuan. Haien ostean erantsiko dugu salda beroa: beste 20 bat minutuan edukiko dugu dena su eztian egosten.
Haien ostean, irabiagailu baten ontzian xehatuko dugu saltsa, indar betean eraginez makinari, ontziaren ahotik esnegain urtua eta gurina gaineratzen ditugun bitartean. Ongi batuko ditugu gai guztiak. Gatz-puntua zuzendu eta zerbitzatu egingo dugu saltsa.
Arrainarekin nahiz haragiarekin aurkez dezakegu saltsa hau. Hanburgesa batzuk jateko, adibidez, edo plantxan erretako edozein haragirekin, azpizuna, xerra, txuleta jezur gabea.
Bestalde, beren garaian saltsa honetan plantxan txigorturiko atun edo hegaluze solomo hezurgabeak aurkezten baditugu, emaitza izugarri ona izango da. Irakinaldi bat eman eta saltsan ongi bustitzen utziko diogu arrainari. Eta pasta egin berriarekin? Zer esango dizuet, Mundiala!
Perretxiko saltsa
Perretxiko entsalada
Perretxiko entsalada – Osagaiak Kilo bat perretxiko gordin Oliba olio birjina, 12 koilarakada Sagardo-ozpina, koilarakada bat Gatza eta piperbeltz eho berria Errezeta Perretxikoak garbitu lehen esan dugun bezala. Perretxiko handienen zurtoinak eta txapelak bereizi, eta …
Perretxiko nahaskia
Perretxiko nahaskia – Osagaiak Perretxiko salteatuen errezeta bat Oliba olio pittin bat 8 arrautza Gatza Perrexil xehatua Errezeta Perretxikoak berotzen jarri kazola edo zartagin batean, kontuz, itsats ez daitezen. Arrautzak irabiatu eta perretxikoekin sutan dugun …
Perretxiko salteatuak
Perretxiko salteatuak – Osagaiak Kilo bat perretxiko garbi, handienak eskuez puska handitan zatituak 6 koilarakada oliba olio Baratxuri ale erdi bat, xehatua Perrexil xehatua, ximiko bat Gatza … Errezeta Kazola batean su bizian jarri olioa. …
Perretxiko risottoa
Perretxiko risottoa – Osagaiak 500 g arroz (ale biribileko arroza) Perretxiko freskoak 4 koilarakada oliba olio 4 azafrai-izpi 2 tipula ertain, txikituak Baso bete ardo zuri Haragi salda edo ura, 1,3 litro Gatza Perretxiko risottoa Errezeta …
Atuna perretxiko saltsan
Atuna perretxiko saltsan – Osagaiak 4 atun solomo lodi, hezur eta azalik gabe, 220 g bakoitzak Ximiko bat irin 3 tipulin bat, zerrenda mehetan moztuak 2 eskukada perretxiko garbi, xerratan moztuak (barrengorriak, onddoak, perretxikoak) 2 …
