Patata erreak gurin eta baratxuriekin
- Errezeta
- Bidali iruzkina
- Antzeko errezetak
Patata erreak gurin eta baratxuriekin –
Osagaiak
- 10 patata handi
- Xorta bat oliba olio
- 2 baratxuri-buru, zuritu gabe
- Ezkaia, adaxka bat
- 150 g gurin
- Gatza
Errezeta
Zuritu eta xerra loditan moztuko ditugu patatak, luzeran. 8 atal egingo ditugu, gutxi gora-behera patata bakoitzetik. Uretan garbituko ditugu ondoren patata guztiak, almidoia kentzeko. Padera bero batean olio pixar bat isuri eta su bizian salteatuko ditugu, gorritu arte (labean sartuko ditugu gero). Kanpotik ongi txigorturik eta barrutik gogor daudela ipiniko ditugu labe-erretilu batean. Gatza eman eta bi baratxuri-buru aletu eta barreiatuko ditugu haien gainetik, zuritu gabe, ezkai adaxka eta gurinarekin (dadotan moztua). Erretiluaren hondoa ukituko dute patata guztiek, garrantzitsua da hori. Elkarren gainean metatuz gero, ez dira behar bezala erreko.
200º-ko tenperaturan edukiko ditugu labean 30 bat minutuan. Koipean bustiko ditugu labealdi horren erdialdean. Egin direnean, labetik atera eta epeltzen utzi eta gero jango ditugu, erreki baten hornidura gisa esate baterako. Trauskil mozturiko perrexila emango dugu, nahi izanez gero, haien gainetik.
Errekiaren gurina xurgatu eta mamitsu egon daitezen utziko ditu patatak epeltzen. Labean eduki ditugun erretiluan aurkeztu ahal izango ditugu, eta erretako baratxurien mamia ere berreskuratuko dugu, haiekin jateko.
Eltzekaria nola egin
Osagaiak Porru bat 2 azenario Arbi bat Tipula bat, iltze usaintsu bat ziztaturik duela Baratxuri-buru bat 10 koilarakada oliba olio 2 hanka hezur eta 2 belaun hezur 200 g txerri saiheski 200 g txerri urdai …
Patata eta sardinzahar entsalada
Osagaiak Patata zurituak uretan egosiak, hiru kilo laurden Eskarola bat, garbitua eta sortatan 4 sardinzahar ketuak edo oliotan marinatuak, dadotan zatituak 2 arrautza egosi, zurituak eta xehatuak Dijongo ziapea edo garau ziapea, zopa-koilarakada bat Sagardo-ozpina, …
Patatak mikrouhinetan apurtuta
Osagaiak 10 patata ertain, garbituak eta zuritu gabeak Oliba olio birjina, zorrotada bat Gurin puska eder bat Gatza Errezeta Patatak garbitu, eta sardexka baten hortzez zulatu alde guztietatik. Mikrouhinen labe batean sartu potentziarik handienean, eta …
Patatak uretan ongi egosteko era
Osagaiak Zorrotada on bat oliba olio Zorrotada on bat ardo zuri Porru bat Tipulin erdia Hiruzpalau piperbeltz ale Apioa adaxka bat Gatz larria Errezeta Era hoberena da beren azalarekin egostea. Garbitu egingo ditugu lehenik, itsatsirik …
Patata eta perrexil entsalada
Patata eta perrexil entsalada – Osagaiak Kilo bat patata, uretan egosiak, zurituak Perrexil sorta bat gehiegi xehatu gabea Oliba olio birjina Limoi zuku pitin bat Gatza eta piperbeltz eho berria … Errezeta Garrantzi handikoa da …