Ogi torradak
- Errezeta
- Bidali iruzkina
Ogi torradak
Osagaiak
- 8 ogi opil, mami trinkokoak
- Esnea, litro erdia
- Esnegain likidoa, litro laurdena
- 10 koilarakada azukre
- Kanela ezpaltxo bat
- Limoi azala, zati bat
- Irin xorta bat
- Arrautzak, joak
- Oliba edo eguzki-lore olioa, frijitzeko
- Azukre beltza
- Kanela-hautsa
Errezeta
Kazola batean ipiniko ditugu esnea, esnegaina eta azukrea. Limoi azala eta kanela ezpaltxoa erantsi eta irakiten jarriko dugu guztia, su eztian, lehen borborrak hasi arte. Une horretan atera egingo dugu sutatik. Hozten utziko dugu ondoren.
Bitartean, prestatuko ditugu opilak esnetan bustitzeko. Labana batez bitan zatituko ditugu opilak, luzeran, hala moztuz gero esnetan sartzean askoz ere hobeto xurgatuko baitute likidoa eta hobeto puztuko baitira. Erretilu zabal batean ipiniko ditugu opilak ondoren. Iragazki baten bidez isuriko ditugu esnea eta esnegaina ogiaren gainean eta utzi egingo ditugu esnetan bustitzen, 30 minutuan gutxienez, poliki-poliki buelta emanez. Erne ibili behar dugu oso erraz hausten dira eta.
Ogia esnetan ongi busti ondoan, kontu handiz pasako ditugu irin-arrautzatan, hautsi gabe. Padera batean olio ugarian frijituko ditugu ondoren, ezti-ezti frijitu ere, ongi txigortu arte. Paper xurgatzailean xukatuko ditugu gero. Jan aurretik azukre beltz pixka bat hautseztatuko dugu gainetik, eta usaintsuak gustatzen bazaizkigu, berriz, kanela hauts pixar bat ere. Hobe da epel jatea torradak. Inauteri garaian jaten dira bereziki.
Ogi torradak
Ogia tomatearekin xabier eran
Ogia tomatearekin xabier eran – Osagaiak Ogia Olibolioa Tomate bat Urdaiazpikoa Errezeta Lehenengo ogiazko txirrindola bat moztu eta zartaginean xigortu. Gero tomatea moztu eta… txirrindola igurtzi. Ondoren, olibolio pixka bat bota. Azkenik urdaiazpikozko bi …
Atun ogitartekoa
Atun ogitartekoa – Osagaiak Opil bat, bitan irekia Lata txiki bat hegaluze oliotan, ongi xukatua eta zatitan bereizia Piper gorriak edo berdeak, erreak, zurituak, zerrendatan moztuak eta oliotan, baratxuri ale gordin batekin, edukiak Errezeta Oliba …
Croque-monsieur (mixtoa)
Croque-monsieur (mixtoa) Marcel Proust berak ere aipatzen du otarteko bero hau: «Kontzertu irteeran, hotelera bidean, amona eta biok geldialdi bat egin genuen kai muturrean Villeparisis andrearekin hitzaspertu bat egiteko, zeinak erran baitzigun hotelean eskatuak zituela …
Ogi txigortua gaztaz gainerreak nola egin
Osagaiak Kg bat Gruyére gazta 6 arrautza gorringo + 4 arrautza 4 koilarakada esnegain bikoitz lodi edo, hura gabe, esnegain urtu Gatza eta piperbeltza Errezeta Azala kenduko diogu gaztari. Zati txikitan puskatu eta irabiagailu handi …
Ogi edo opil suitzar torrada karamelatuak
Osagaiak 16 torrada irin-arrautzatan pasa berriak, ogi edo opil suitzarrarekin eginak 15 koilarakada krema 5 koilarakada almendra joa Ron xorta bat Arrautza gorringo bat Azukrea eta krema kataluniarra egiteko erabiltzen dugunaren moduko karamelugaia Errezeta Lehenik …
