Legatza saltsa berdean txirlekin
- Errezeta
- Bidali iruzkina
Legatza saltsa berdean txirlekin –
Osagaiak
- 4 legatz solomo, hezurrik gabe, 200 g bakoitzak
- 2 baratxuri xister, pikatuak
- 5 koilarakada oliba olio
- Ximiko bat irin
- Perrexil xehatua
- 32 txirla handi
- Litro laurdena arrain salda edo ur
- Gatza
Errezeta
- Olioa isuri eta su eztian jarriko dugu kazola zabal bat. Baratxuria erantsi eta, erre gabe betiere, dantzan hasi dela sumatu orduko gaineratuko dugu irina, pixar bat. Segundo batzuetan edukiko dugu eztitzen, kolorea hartzen utzi gabe. Arrain salda edo ura isuri eta minutu batean edukiko dugu guztia irakiten. Arrainari gatza eman eta saltsan ipiniko ditugu legatz solomoak, azala gora.
- Su ezti-eztian edukiko dugu arraina 4 bat minutuan, kazolari hara eta hona leunkiro eraginez. Solomoak azalez behera jarriko ditugu orduan, espatula batez baliatuta. Kontuz egingo dugu lan. Beste bi minutuan edukiko dugu arraina berotzen, kazola ukitu gabe. Garrantzitsua da arraina su eztian berotzea eta kazola leun erabiltzea.
- Kazola sutatik atera baino une batzuk lehenago sartuko ditugu txirlak. Kazola tapatuko dugu ondoren. Ireki ahal aterako ditugu txirlak. Azkena atera eta berriro sartuko ditugu guztiak. Baten bat irekitzen ez bada, gupidarik gabe bazter dezagun.
- Perrexil xehatua hautseztatuko dugu gainetik. Kazola sutatik atera eta hara eta hona eraginez lodituko dugu saltsa. Gatz-puntua neurtu (txirlak kazolan onduko dira) eta berehala zerbitza dezagun.
Legatza saltsa berdean txirlekin
Txirlak saltsa berdean
Txirlak saltsa berdean – Osagaiak Kg bat txirla 3 baratxuri ale, pikatuak Litro laurdena ur bero 4 koilarakada oliba olio birjina Perrexil pikatua Irina, ximiko bat Zorrotada bat ardo zuri … Errezeta Kazola zabal apal …
Legatz pastela
Osagaiak Kg bat legatz hezurrarekin, erdiko trunkoa esate baterako, garbi eta ezkatarik gabe 2 tipulin, pikatuak Porru baten zuria, pikatua 2 baratxuri ale Oliba olioa Xorta bat brandy Litro laurdena esnegain urtu 8 arrautza, joak …
Txirla irekiak olio errearekin
Txirla irekiak olio errearekin – Osagaiak 1,5 kg txirla 4 koilarakada handi oliba olio birjina estra Kaienako piper-mutur bat 4 baratxuri ale, xerratan moztuak 2 koilarakada handi sagardo-ozpin Perrexil xehatua … Errezeta Ur ugarian garbituko …
Legatz hegalak saltsa berdean patatekin
Osagaiak Kg bat legatz hegal fresko, garbi eta azalik eta mintz beltzik gabe 10 koilarakada oliba olio Baso erdi bat ardo zuri Arrain salda edo ura 2 baratxuri xister, pikatuak Perrexil xehatua Kg laurden patata …
Legatz kokotea labean
Osagaiak 2 legatz kokote eder, 4 lagunentzat, bitan irekiak, mintz beltzik gabe (erretzeko prestatzeko eskatuko diogu arrain-saltzaileari). Baso erdi bat ardo zuri 10 koilarakada oliba olio 6 baratxuri ale, xerratan moztuak 4 koilarakada sagardo-ozpin Perrexil …
