Bakailaoa patata, azalore eta olio errearekin
- Errezeta
- Bidali iruzkina
Bakailaoa patata, azalore eta olio errearekin –
Osagaiak
- 4 puska bakailao beratu eta lehor, 250 g bakoitzak
- Kg bat patata, erdi tamainakoak, zurituak eta xerra loditan moztuak
- Azalore bat
- 10 koilarakada oliba olio
- Tipulin bat, pikatua
- 3 baratxuri ale, osorik
- Koilarakada apal bat piperrauts
- Ura eta gatza
Bakailaoa patata, azalore eta olio errearekin
Errezeta
Kazola zabal batean ipiniko ditugu patatak eta azalorea; urez estali eta gatza emango dugu ondoren. Su eztian edukiko ditugu 20 bat minutuan egosten, xamur geratu arte. Sua itzali baino 5 minutu lehenago sartuko dugu bakailaoa, epe horretan irakitan egon dadin. Xukatu eta gero, erretilu batean jarriko dugu bakailaoa, eta azalorea eta patatak haren ondoan. Barazkiak egosi diren salda pixka bat, 10 koilarakada, gordeko dugu baratxuri-saltsarako.
Padera batean olioa, tipulina eta baratxuriak ipini ondoren, gatza eman eta su bizian edukiko ditugu barazkiak gutxienez 10 minutuan, gorritu eta xamur gelditu arte. Salda erantsi, erne zipriztinekin!, eta beste une batez edukiko dugu guztia irakiten. Padera sutatik atera eta piperrautsa erantsiko dugu. Baratxuri saltsa honetaz garaztatuko ditugu azalorea, bakailaoa eta patata egosiak. Mahairako prest edukiko dugu orduan bakailaoa.
Bakailaoa patata, azalore eta olio errearekin
Bakailao eta mahaspasa enpanada
Osagaiak Kg bat irin Ura, litro erdia inguru 800 g gurin 4 tipulin handi, zerrendatan moztuak dl erdia oliba olio Ximiko bat piperrauts gozo 2 baratxuri-ale, pikatuak 2 koilarakada bete perrexil xehatu Gatza 750 g …
Porrusalda bakailaoarekin
Porrusalda bakailaoarekin Osagaiak 4 porru eder 2 azenario eder Patatak, kilo erdia Litro bat ur Bakailao zati eder bat, beratua, azalik gabe eta izpituta 4 koilarakada oliba olio … Errezeta Lehenik porruak eta azenarioak zuritu …
Aza patatekin
Aza patatekin – Osagaiak Aza bat 2 patata eder 15 koilarakada oliba olio 4 baratxuri ale, xerratan Gatza Aza patatekin Errezeta Bitan egingo dugu aza. Erdiko zuztarra kendu eta hostoak askatuko ditugu. Ahal neurrian kenduko …
Azalore egosia patata eta baratxuriarekin
Azalore egosia patata eta baratxuriarekin – Osagaiak Azalore eder bat 4 patata ertain, zurituak 4 baratxuri ale, xerratan moztuak 8 koilarakada oliba olio Gatza Azalore egosia patata eta baratxuriarekin Errezeta Eltze batean, ur ugari jarriko …
Pikillo piperrak bakailaoz beteak
Pikillo piperrak bakailaoz beteak – Osagaiak 4 bakailao solomo pil-pilean eginak, beren saltsa eta guzti 2 piper berde, zerrendatan moztuak 4 tipulin eder, zerrendatan moztuak Baratxuri ale bat, xehatua Perrexil xehatua Pikillo piperrak, 2 pote …
