Txipiroi txikiak tipularekin
- Errezeta
- Bidali iruzkina
Txipiroi txikiak tipularekin –
Osagaiak
- 30 txipiroi txiki, aborinekoak
- Xorta bat brandy edo armagnac
- 8 tipulin, zerrendatan moztuak
- 2 baratxuri ale, xehatuak
- Kaienako pipermina, mutur bat
- 5 koilarakada handi oliba olio birjina
- Baso bete ardo zuri idor
- Gatza
Errezeta
Kazola zabal batean oliba olioa isuri eta su ezti-eztian maneatuko ditugu hartan tipulinak, kaiena eta baratxuri pikatua, gatz pixar batekin. Tapatu eta gozatzen utziko dugu guztia, tipula xamurtu eta kolore gorrixka hartu arte. 90 bat minutu gutxi gorabehera. Txipiroiak erosi aurretik egin ahal izango dugu hau.
Txipiroiak garbituko ditugu, bestalde, azala errespetatuz eta garroak bereiziz. Barruko luma eta tripak kenduko dizkiegu. Dagokion garroa sartuko dugu txipiroi bakoitzaren barruan eta zotz batez itxi. Padera batean koilarakada batzuk oliba olio isuri eta, su bizian jarri ondoren, hartan salteatuko ditugu txipiroiak, gatz pixar batekin, txigortu eta gorritu arte. Une horretan erantsiko diegu xorta bat brandy edo armagnac. Une batzuetan biraka erabili eta tipula eginik gorde dugun paderara irauliko ditugu txipiroiak. Salteatu egingo ditugu berriro ere txipiroiak, brandy edo armagnacaren garretan bizpahiru alditan edukirik, ongi egin daitezen.
Ardo zuria erantsi eta 30 bat minutuan edukiko dugu guztia su ezti-eztian irakitan. Gatz-puntua zuzendu eta jan aurretik hainbat orduan pausatzen eduki ondoan mahairatuko ditugu.
Txipiroi txikiak tipularekin
Txipiroi txikiak bere tintan
Txipiroi txikiak bere tintan – Osagaiak 30 txipiroi txiki, aborinekoak 6 tipulin, pikatuak Piper berde bat, pikatua 2 baratxuri ale, xehatuak Txipiroien garroak eta hegalak, oso fin pikatuak 5 koilarakada handi oliba olio birjina Baso …
Txipiroi frijituak
Txipiroi frijituak – Osagaiak Kg bat txipiroi, erdi tamainakoak Irina Gatza Oliba olioa, frijitzeko 2 baratxuri ale Txipiroi frijituak Errezeta Ongi garbituko dizkigute txipiroiak arrandegian, tripak kendurik eta gorputzak (azal ukitu gabe, oso garrantzitsua da …
Txibi eta txitxirio entsalada
Txibi eta txitxirio entsalada – Osagaiak Txitxirio edo garbantzu pote bat (400 g inguru) 8 txibi ale (garaikoak hobe!) Arrautza bat Piper berde bat Piper gorri bat Tipulina ale bat Ozpina Olioa Gatza Tomate ale bat Piper …
txipiroi ogi-arrautzeztatuak
txipiroi ogi-arrautzeztatuak – Osagaiak Kg bat txipiroi, triparik eta barruko lumarik gabe Esnea 2 baratxuri ale, zanpatuak Ogi birrindua Oliba olioa Gatza txipiroi ogi-arrautzeztatuak Errezeta Arrandegian garbituko dizkigute txipiroiak. Azala fresko eta kolperik gabe badago, …
Txipiroi txikiak Pelaio eran
Txipiroi txikiak Pelaio eran – Osagaiak 30 txipiroi txiki, aborinekoak Xorta bat brandy edo armagnac 8 tipulin, zerrendatan moztuak 4 piper berde, zerrendatan moztuak 2 baratxuri ale, xehatuak Kaienako pipermina, mutur bat 5 koilarakada handi …
