txipiroi ogi-arrautzeztatuak
- Errezeta
- Bidali iruzkina
txipiroi ogi-arrautzeztatuak –
Osagaiak
- Kg bat txipiroi, triparik eta barruko lumarik gabe
- Esnea
- 2 baratxuri ale, zanpatuak
- Ogi birrindua
- Oliba olioa
- Gatza
txipiroi ogi-arrautzeztatuak
Errezeta
Arrandegian garbituko dizkigute txipiroiak. Azala fresko eta kolperik gabe badago, errespetatu egingo dugu. Zerrenda edo zirrindolatan moztuko ditugu gorputzak, tamainaren arabera, taberna eta ostatuetan lortu ohi duten itxura emanez, hatz erdiko lodierako puskak eginez. Modu berean jokatuko dugu hegalekin, eta alde batera bereiziko ditugu garroak. Gatz ugari eman eta esnetan murgilduko ditugu puskak, zanpatutako baratxuri aleekin batean. Ordu batzuetan egongo dira horrela, hozkailuan.
Epe horren ostean xukatuko ditugu. Esnea, katuarentzat. Eta baratxuriak, gogoko dituenarentzat (txipiroiekin batean frijitu ahal izango ditugu).
Hona hemen nola jokatuko dugun ondoren. Ogi xukatu eta lehortu eta gero, ogi birrinduan pasatuko ditugu txipiak. Solterik frijituko ditugu, ez motroiloan, oliba olio berotan, eta erretilu batean xukatuko ditugu ondoren. Lana bukatu eta limoi atal batzuekin, badira mundu honetan azidozale porrokatuak, eta garagardo hotz batekin zerbitzatuko ditugu. Gatza emango diegu berriro, gezatxo sumatzen baditugu.
Oso goxoak geratuko zaizkigu horrela maneaturiko txipiak ogi birrinduari perrexil xehatua eta baratxuri pikatua erantsiz gero txipiak nahastura horretan igurtzirik frijitzen baditugu. “Umorearen arabera” jokatuko dugu, nire amak esango lukeen bezala.
txipiroi ogi-arrautzeztatuak
Txipiroi zatituak tipularekin
Txipiroi zatituak tipularekin – Osagaiak 2 kg txipiroi begihandi, triparik gabe, azalarekin eta puska ertainetan moztuak Xorta bat brandy edo armagnac 8 tipulin, zerrendatan moztuak 2 baratxuri ale, xehatuak Kaienako pipermina, mutur bat 5 koilarakada …
Arroz beltza txipiroiekin
Arroz beltza txipiroiekin Osagaiak Kg erdi txipiroi, dadotan moztuak Txipiroien tintak 8 koilarakada handi oliba olio birjina 2 tipulin handi, pikatuak 2 baratxuri ale, xehatuak 500 g arroz, ale biribilekoa 2 baso ardo zuri 1,3 …
Txipiroi txikiak bere tintan
Txipiroi txikiak bere tintan – Osagaiak 30 txipiroi txiki, aborinekoak 6 tipulin, pikatuak Piper berde bat, pikatua 2 baratxuri ale, xehatuak Txipiroien garroak eta hegalak, oso fin pikatuak 5 koilarakada handi oliba olio birjina Baso …
Txipiroi frijituak
Txipiroi frijituak – Osagaiak Kg bat txipiroi, erdi tamainakoak Irina Gatza Oliba olioa, frijitzeko 2 baratxuri ale Txipiroi frijituak Errezeta Ongi garbituko dizkigute txipiroiak arrandegian, tripak kendurik eta gorputzak (azal ukitu gabe, oso garrantzitsua da …
Txipiroiak erromako eran
Txipiroiak erromako eran – Osagaiak Kg bat txipiroi, triparik eta barruko lumarik gabe Esnea 2 baratxuri ale, zanpatuak Gaiak frijitzeko orea Oliba olioa Gatza Txipiroiak erromako eran Errezeta Arrandegian garbituko dizkigute txipiroiak. Azala fresko eta …
