Oilasko paparrak urdaiazpiko eta gaztarekin
- Errezeta
- Bidali iruzkina
Osagaiak
- 8 oilasko papar xerra, liburu gisa irekiak, bete ahal izateko
- 8 urdaiazpiko xerra, egosia edo iberikoa, aurrekontuaren arabera
- 8 gazta xerra fin, gazta koipetsua, urtzeko modukoa
- Oliba olioa
- 4 baratxuri ale, zanpatuak
- Irina eta arrautza joa
- Gatza
*Lau pertsonentzat
Errezeta
Mahai baten gainean gatza emango diegu oilasko papar irekiei. Urdaiazpiko xerra bat ipiniko dugu paparraren erdian, eta gazta xerra bat jarriko dugu haren gainean. Itxi egingo dugu paparra ondoren, ondo itxi ere, urdaiazpiko eta gazta betegarria barruan gera dadin. Gatza emango diogu paparrari kanpoaldetik.
Padera batean sutan jarriko ditugu baratxuri aleak eta behatz bat olio, paparrak frijitzeko. Su eztian berotzen utziko dugu olioa, baratxuri zaporea har dezan, eta pixkana-pixkana bizitu egingo dugu sua oso bero egon arte. Atera egingo ditugu baratxuriak eta olio horretan frijituko ditugu aurrez irin eta arrautzatan pasa ditugun paparrak, ongi txigor gera daitezen arte. Ondoren xukatu egingo ditugu paparrak.
Gernikako piper berde ugarirekin edo entsalada berdearekin aterako ditugu mahaira. Horrez gainera patata frijituak jartzen badizkiegu, aupa erreala. Paparrak arrautzatan busti baino lehen baratxuri xehatu pixka bat eta perrexil xehatu ugari eransten badizkiogu arrautzari, are zapore gozoagoa izango dute paparrek frijitu ondoren.
Oilasko hegalak labean Javiren eran
Osagaiak Kg bat oilasko hegal, muturrak moztuak 3 patata ertain, zurituak eta xerratan moztuak 2 tipulin ertain, pikatuak Gatza, piperbeltza eta muskat intxaurra Xorta bat ardo zuri Oliba olioa *Lau pertsonentzat Errezeta Labe-erretilu batean oliba …
Pasta oilaskoarekin
Osagaiak 4 oilasko izter, hezurgabetuak eta dado txikitan moztuak 2 baratxuri ale, txiki-txiki eginda 6 koilarakada oliba olio Perrexil xehatua 600 g pasta, egosi berria, nahi dena (saltsa daramaten plater mota honetarako espagetiak edo tagliatelleak …
Oilasko hegal frijituak
Oilasko hegal frijituak Osagaiak 32 oilasko hegal, bitan zatituak, giltzaduratik, harakinak egin dezala lan hori Limoi zukua Perrexil xehatua Eztia, pittin bat 4 baratxuri ale, zanpatuak Soja saltsa, pittin bat Irina eta gatza 4 baratxuri …
Oilasko papurtua parmentier eran
Osagaiak Oilasko mardul bat edo bi ertain, garbi Azenario bat, xerratan Porru bat, xerratan Baratxuri-buru bat Tipula bat, zatitua Litro erdia ardo beltz Ura Pastilla bat haragi-salda 5 tipulin eder, pikatuak Eskukada bat barrengorri, pikatuak …
Oilaskoa saltsan patatekin
Oilaskoa saltsan patatekin – Osagaiak 1 kg oilasko, erdi tamainako pusketan zatitua 2 piper txorizero, aurrez ur epeletan beratuak, ordu pare batean 3 baratxuri ale, pikatuak 2 tipulin handi, pikatuak 10 koilarakada tomate saltsa 5 …
