Gari-zainzuriak arrautza irakinarekin
- Errezeta
- Bidali iruzkina
- Antzeko errezetak
Osagaiak
- 36 gari-zainzuri, modu naturalean egosiak, edo kontserbakoak
- 8 arrautza oso fresko
- 2 dezilitro sagardo-ozpin
- 2 litro ur
- Oliba olio birjina, 4 koilarakada handi
- Gatza
*Lau pertsonentzat
Errezeta
Eltze bat hartu, ahal dela altua eta estua izan dadila. Ura irakiten jarri, gatzik eman gabe. Borborka hasten den momentuan, sagardo-ozpina bota, zorrotada eder bat. Orduantxe baretuko da borborra. Sua motelxeago jarriko dugu, inoiz ez dezan indar handiz irakin. Arrautza azala hautsi eta katilu txikitan utzi, arrautza bat katilu bakoitzean. Katilu edo basotik zuzenean isuri, irristan, uretara. Arrautzak binaka egingo ditugu, gutxi gorabehera minutu bakar batez edukiz ur irakinetan. Kontu handiz emango diegu buelta ur barrenean, eta minutua pasatuta bitsaderarekin aterako ditugu uretatik terreina txiki batera pasatzeko. Terreina horretan, aldez aurretik, ur garbi hotza jarriko dugu, gatz pixka batekin (zopa-koilarakada bat litroko). Horrela, egostea moztuko dugu, gorringoak mamitu ez daitezen, eta egosteko urak zuringoari eman dion ozpin gustua kentzeko.
Hori dena aurretik egin genezake, eta, horrela, zerbitzatzeko moduan, segundo batzuez ur irakinetan edo mikrouhinen labean tenperatura baxuan berotu bat eman, beste lanik ez genuke izango.
Zainzuriak pixka bat xukatu, egosi berriak baldin badira, edo kontserba-latatik atera plateretara edo erretilu batera. Latakoak direnean, mikrouhinen labean epelduko ditugu, ez bere tenperatura altuenean.
Tenperatura egokia behar dute zainzuriek, ez daitezela beroegi egon, ez hondatzeko. Zainzurien gainean, ur irakinetan egindako arrautza beroak jarri. Gatz ale batzuk botako dizkiegu gainetik eta oliba olio gordina isuri, 3 koilarakada.
Mascarpone krema
Mascarpone krema – Osagaiak 2 arrautza oso 160 g azukre 200 g esnegain, harrotua 400 g mascarpone Errezeta Arrautzak azukrearekin nahasi eta bizkor jo. Kontu handiz erantsiko dugu ondoren mascarpone gazta, nahasturak ongi hartu eta …
Baratxuri eta perrexil arrautzopila
Osagaiak 8 baratxuri ale, xehatuak 3 koilarakada oliba olio Sorta eder bat perrexil, puska handi xamarretan pikatua 8 arrautza Gatza Errezeta Padera zabal batean, baratxuria eta olioa erantsi eta, su eztian jarriko ditugu berotzen. Arrautzak …
Arrautza nahasi krematsuak
Arrautza nahasi krematsuak – Osagaiak Arrautzak Esnegaina Gurina Gatza Errezeta Arrautza nahasi krematsuak eta mamitsuak egiteko, lerdetsu aterako ditugu beti paderatik: paderan behar baino gehiago egingo duten segundo bakoitzeko are eta gogorrago edukiko ditugu platerean, …
Natila
Natila – Osagaiak Litro bat esne 8 gorringo Irin koilarakada lau bat 5 koilarakada azukre Errezeta Gogoko dugun zerbaitekin irakingo dugu esnea: limoi, kanela, bainila… Behin irakindakoan, epeltzen utziko dugu bazterrean. Gopor edo katilu batean …
Zainzuriak tenpuran
Zainzuriak tenpuran Osagaiak Zainzuri zuriak, sorta handi bat 150 g irin Litro laurden bat ur Azukre pixka bat Okindegiko legamia prentsatua, 15 g Koilarakada erdi bat gatz Oliba olioa edo frijitzeko ekilore olioa Errezeta Irina, …