Errezeta

Ongi garbituko dizkigute sardinak arrandegian, burua eta tripak kendurik, eta isatsa bere horretan utzirik. Oliba olioa isuriko dugu zartaginean, bi hatzeko neurria harturik. Su eztian gozatuko ditugu baratxuriak, erre gabe olioa ongi kutsa dezaten. Minutu gutxi batzuen ostean, baratxuriak atera, sua biziagotu eta sardinak sartuko ditugu, gatza eman eta irinetan azaletik igurtzi eta gero. Buelta eta buelta erabiliko ditugu ondoren. Bizpahiru txandatan egingo ditugu sardinak, olioaren tenperatura apal ez dadin. Xukatu eta berehala zerbitzatu egingo ditugu sardinak, gorri eta kraskatsu.

Sardinak frijituta