Errezeta

Irina, gatza, azukrea eta legamia gopor batean jarri eta hatz muturrekin txikituko dugu guztia. Ura erantsiko dugu orduan, epel betiere, 30º-tan ez beroago, legamia honda ez dakigun. Koilara batez edo sukaldeko ziri batez baliaturik, erabat zurrupatu arte erantsiko dugu ura, pixkana-pixkana erantsi ere, pikorrik ez dadin egin. Goporra zatar batez estali eta ordu erdian utziko dugu pausatzen, leku epel batean, garbigailuaren gelan esate baterako.

Orea jaiki eta burbuilak eragiten hasi dela ikusiko dugu. zuritu egingo ditugu orduan zigalak, kontu handiz isatsak ez puskatzeko, eta beste behar batzuetarako utziko ditugu buruak. Burua isatsetik bereizterakoan, isatsa zeharkatzen duen heste iluna ere eramango dugu buruarekin batean. Gatza eman ondoan, muturretik banan-banan hartu eta tenpuraren orean barneratuko ditugu zigala-isatsak, askatu gabe eta sartu-irten bizkor bat eginez, eta paderan edukiko dugun olio beroan utziko ditugu ondoren. Hala jokatuko dugu zigala-isats guztiekin. Ondoren, ongi xukatu eta kraskatsu jango ditugu plazer handiz.

Romesco saltsa, allioli saltsa edo tomate saltsa hotz on baten ondoan zerbitzatu ahal izango ditugu zigalak, hartan bustitzeko aukera emanez.

Zigalak tenpuran