Txipiroiak patatekin
- Errezeta
- Bidali iruzkina
Txipiroiak patatekin –
Osagaiak
- Kg bat txipiroi garbi, zatituak
- Kg bat patata
- Oliba olioa
- Baso bete ardo zuri
- 2 baratxuri ale, pikatuak
- 2 tipula, pikatuak
- Gatza
Errezeta
Kazola zabal batean erantsiko dugu oliba olioa, gatza, baratxuriak eta tipulak, su ertainean. 20 bat minutuan edukiko dugu guztia gozatzen, kolore pixka bat hartu eta xamur gelditu arte. Txipiroi puskak eta ardo zuria gaineratu, gatz pixar bat gehiago eman eta ongi maneatuko dugu ondoren guztia, kazola tapaturik, 45 bat minutuan.
Olio ugaritan frijituko ditugu patatak, zurituak eta cm bateko lodieran moztuak, kanpotik kolorea hartu arren, barrutik tinko iraun dezaten. Txipiroien kazolan irauliko ditugu ondoren. Beste 20 bat minutu eta ongi eginak egongo dira. Gatz pittin bat gehiago eman eta perrexil xehatua hautseztatuko dugu gainetik. Kazolak ez du saldatsuegi behar, patatak eta txipiroiak oso mamitsu ageriko dira eta haien saltsa lodia bezain urria izango da.
Errezeta hau txipiroi begihandiekin edo potekin bidera daiteke. Potekin eginez gero, jakin dezagun Galizian “choupas” deitzen diotela jaki honi, izen hori baitu han pota txikiak.
Txipiroiak patatekin
Txipiroi txikiak tipularekin
Txipiroi txikiak tipularekin – Osagaiak 30 txipiroi txiki, aborinekoak Xorta bat brandy edo armagnac 8 tipulin, zerrendatan moztuak 2 baratxuri ale, xehatuak Kaienako pipermina, mutur bat 5 koilarakada handi oliba olio birjina Baso bete ardo …
Txipiroi zatituak bere tintan
Txipiroi zatituak bere tintan Osagaiak 2 kg txipiroi begihandi, triparik gabe, azalarekin eta puska ertainetan moztuak 6 tipulin, pikatuak Piper berde bat, pikatua 2 baratxuri ale, xehatuak 3 koilarakada handi oliba olio birjina Baso bete …
Txipiroi salteatuak
Txipiroi salteatuak – Osagaiak 1,5 kg txipiroi, barrukiak eta luma kenduta, azalarekin Oliba olioa Baratxuri xehatua, pittin bat Perrexil xehatua Gatza Txipiroi salteatuak Errezeta Ongi garbituko dizkigute txipiroiak arrandegian, tripak kendurik eta gorputzak (azal ukitu …
Txipiroi txikiak Pelaio eran
Txipiroi txikiak Pelaio eran – Osagaiak 30 txipiroi txiki, aborinekoak Xorta bat brandy edo armagnac 8 tipulin, zerrendatan moztuak 4 piper berde, zerrendatan moztuak 2 baratxuri ale, xehatuak Kaienako pipermina, mutur bat 5 koilarakada handi …
Pasta txipiroiekin
Pasta txipiroiekin – Osagaiak Txipiroi garbiak, triparik gabe eta zerrenda mehe luzetan moztuak, luzetara. Kilo erdia 2 baratxuri ale, txiki-txiki eginak 3 koilarakada oliba olio 4 koilarakada tomate saltsa Perrexil xehatua 600 g pasta, egosi …
