Txipiroi zatituak tipularekin
- Errezeta
- Bidali iruzkina
Txipiroi zatituak tipularekin –
Osagaiak
- 2 kg txipiroi begihandi, triparik gabe, azalarekin eta puska ertainetan moztuak
- Xorta bat brandy edo armagnac
- 8 tipulin, zerrendatan moztuak
- 2 baratxuri ale, xehatuak
- Kaienako pipermina, mutur bat
- 5 koilarakada handi oliba olio birjina
- Baso bete ardo zuri idor
- Gatza
Txipiroi zatituak tipularekin
Errezeta
Txipiroiak garbitu eta gorputzetatik bereiziko ditugu garroak eta hegalak. Zati handitan moztuko ditugu ondoren, gorputzak bezala. Barruko luma kenduko diegu aurrez gorputzei.
Kazola zabal batean oliba olioa isuri eta su ezti-eztian maneatuko ditugu hartan tipulinak, kaiena eta baratxuri pikatua, gatz pixar batekin. Tapatu eta gozatzen utziko dugu guztia, tipula xamurtu eta kolore gorrixka hartu arte. 90 bat minutu gutxi gorabehera. Txipiroiak erosi aurretik egin ahal izango dugu hau.
Padera batean koilarakada batzuk oliba olio isuri eta, su bizian jarri ondoren, hartan salteatuko ditugu txipiroi puskak, gatz pixar batekin, txigortu eta gorritu arte. Une horretan erantsiko diegu xorta bat brandy edo armagnac. Une batzuetan biraka erabili eta tipula eginik gorde dugun paderara irauliko ditugu txipiroiak. Salteatu egingo ditugu berriro ere txipiroi puskak, brandy edo armagnacaren garretan bizpahiru alditan edukirik, ongi egin daitezen.
Ardo zuria erantsi eta 30 bat minutuan edukiko dugu guztia su ezti-eztian irakitan. Gatz-puntua zuzendu eta jan aurretik hainbat orduan pausatzen eduki ondoan mahairatuko ditugu.
Txipiroi zatituak tipularekin
Txipiroi salteatuak
Txipiroi salteatuak – Osagaiak 1,5 kg txipiroi, barrukiak eta luma kenduta, azalarekin Oliba olioa Baratxuri xehatua, pittin bat Perrexil xehatua Gatza Txipiroi salteatuak Errezeta Ongi garbituko dizkigute txipiroiak arrandegian, tripak kendurik eta gorputzak (azal ukitu …
Arroz beltza txipiroiekin
Arroz beltza txipiroiekin Osagaiak Kg erdi txipiroi, dadotan moztuak Txipiroien tintak 8 koilarakada handi oliba olio birjina 2 tipulin handi, pikatuak 2 baratxuri ale, xehatuak 500 g arroz, ale biribilekoa 2 baso ardo zuri 1,3 …
Txipiroi zatituak Pelaio eran
Txipiroi zatituak Pelaio eran – Osagaiak 2 kg txipiroi begihandi, triparik gabe, azalarekin eta puska ertainetan moztuak Xorta bat brandy edo armagnac 8 tipulin, zerrendatan moztuak 4 piper berde, zerrendatan moztuak 2 baratxuri ale, xehatuak …
Txipiroiak patatekin
Txipiroiak patatekin – Osagaiak Kg bat txipiroi garbi, zatituak Kg bat patata Oliba olioa Baso bete ardo zuri 2 baratxuri ale, pikatuak 2 tipula, pikatuak Gatza Errezeta Kazola zabal batean erantsiko dugu oliba olioa, gatza, …
Txipiroi txikiak tipularekin
Txipiroi txikiak tipularekin – Osagaiak 30 txipiroi txiki, aborinekoak Xorta bat brandy edo armagnac 8 tipulin, zerrendatan moztuak 2 baratxuri ale, xehatuak Kaienako pipermina, mutur bat 5 koilarakada handi oliba olio birjina Baso bete ardo …
