Sardinak eskabetxean
- Errezeta
- Bidali iruzkina
Sardinak eskabetxean –
Osagaiak
- 1,5 kg sardina ertain, garbi eta bururik gabe
- Irina eta frijitzeko olioa
- 2 tipulin eder, zerrendatan moztuak
- 8 baratxuri xister, osorik
- Erramua, hosto fresko bat
- 10 koilarakada oliba olio
- Koilarakada bat piperrauts gozo
- Koilarakada erdia piperrauts min
- Litro erdia oliba olio birjina
- Litro laurdena sagardo-ozpin
- Litro laurdena ardo zuri
- Gatza
Sardinak eskabetxean
Errezeta
Gatza eman, irinetan azaletik pasa eta olio ugarian frijituko ditugu sardinak. Xukatu eta geroko gordeko ditugu.
Kazola handi bat sutan jarri, koilarakada batzuk oliba olio isuri, tipulinak eta baratxuriak ipini eta, gatz pixka bat eman ondoren, edukiko dugu dena su eztian frijitzen, 10 bat minutuan. Piperrautsa eta erramua gaineratuko ditugu ondoren. Nahasi eta oliba-olio birjina, sagardo-ozpin eta ardo zuriaren txanda izango da hurren. Irakin eta beste 5 bat minutuan utziko dugu dena egosten, ozpinak indarra gal dezan. Sua itzali eta epeltzen utziko dugu ondoren eskabetxea. Une horretan kazolaratuko ditugu sardinak, lehor ez daitezen. Beste 5 bat minutuan edukiko ditugu sardinak su eztian, irakiten utzi gabe. Sutatik atera eta hozten utziko dugu ondoren guztia.
Hoberena dugu dena prestatu eta jakiari gutxienez 12 orduz epeltzen utzi ostean ohore egitea. Sardinak behar bezala bustiko dira ordurako zuku horretan. Patata egosi batzuk izan daitezke lagungarri ona: eskabetxearen barazki eta zukuarekin onduko ditugu, gatz pixka batekin.
Sardinak eskabetxean
Sardinak gatzetan
Sardinak gatzetan – Osagaiak 2 kg sardina Gatz larria Oliba olio birjina, estra. Sardinak gatzetan Errezeta Burua kendu sardinei. Tripak ere atera. Ez hausteko ahaleginak eginez, behatz-mamiekin ireki eta erdiko hezurra aterako diegu. Sardina bitan …
Sardinak marinatuta
Sardinak marinatuta – Osagaiak Kg bat sardina fresko 600 g ardo edo sagardo-ozpin Litro erdia ur hotz Gatza, eskukada bat Oliba olio birjina Sardina marinatuta Errezeta Nahasi egingo ditugu ozpina, ura eta gatza, marinada prestatzeko. …
Patata eta sardinzahar entsalada
Osagaiak Patata zurituak uretan egosiak, hiru kilo laurden Eskarola bat, garbitua eta sortatan 4 sardinzahar ketuak edo oliotan marinatuak, dadotan zatituak 2 arrautza egosi, zurituak eta xehatuak Dijongo ziapea edo garau ziapea, zopa-koilarakada bat Sagardo-ozpina, …
Sardinak arranparrillan
Sardinak arranparrillan – Osagaiak Nahi adina sardina, dozenaka batzuk Gatza eta su-txingarrak, garrik gabe Sardinak arranparrillan Errezeta Udaren hasiera da sardinak erretzeko garai egokiena, sanjuanetan. Julio Cambak adierazi zuen bezala, “ez dira etxean, gure seme-alaben …
Sardina pipermorro eta oliba beltz ogitartekoa
Osagaiak Opil bat, bitan irekia Lata txiki bat sardinatxo oliotan, ongi xukatuak Piper gorriak edo berdeak, erreak, zurituak, zerrendatan moztuak eta hazirik gabe Eskukada eder bat oliba beltz, hezurrik gabe Zorrotada bat oliba olio birjina …
