Patata gainerreak kremarekin
- Errezeta
- Bidali iruzkina
- Antzeko errezetak
Patata gainerreak kremarekin –
Osagaiak
- 1’5 kg patata
- Perrexil sorta bat
- Apio adaxka bat
- Limoi azal bat, liztariz lotuak
- Litro bat esne
- Esnegaina, litro laurdena
- Gazta arraspatua, 150 g
- Baratxuri ale bat, erdibitua
- Gatza eta piperbeltz eho berria
- Gurina
Patata gainerreak kremarekin
Errezeta
Patatak zuritu eta cm erdiko lodierako zatiak egin. Bitartean, paratu esnea egosten eta gehitu belar sorta, esnegaina, gurina eta gatz pixka bat, eta eduki horrela 10 minutuz.
Baratxuri ale erdibituekin portzelanazko igurtzi erretilu zabal bat, gero labera sartzeko modukoa, baratxuri usaina har dezan. Patatak garbitu, xukatu eta gatza eman. Pataten erdiak erretiluan zabaldu eta esne eta esnegain irakinez busti, iragazki bat erabiliz belar sorta han geldi dadin. Gaztaren erdia parparreatu eta gainerako patatak jarri gainean, eta haiei gelditzen zaigun esne egosia bota gainetik. Piperbeltz eho berria erruz bota gainetik, gelditzen zaigun gaztaz estali eta sartu erretilua labean, eta eduki ordu betez gutxienez 190 graduan, patatak samurtu eta esnegain guztia xurgatu dutela ikusi arte.
Egina dagoen jakiteko, labana zorrotz baten muturra sartu, eta aise sartzen bada, eginak daude. Erdi eginean direla, konturatzen bagara gainaldea gehiegi gorritu dela, jarri erretiluari aluminio-paper orri bat, erre ez daitezen.
Patata gainerreak kremarekin
Patata barrubeteak
Osagaiak Kg bat patata ertain Tipulin bat, pikatua Piper berde bat, pikatua Alberjinia bat Ximiko bat tomate saltsa Kg erdia haragi xehatu (txahal, behia eta txerria, gizenarekin, mamitsuagoa izan dadin) Oliba olioa Irina, arrautza joa …
Patatak uretan ongi egosteko era
Osagaiak Zorrotada on bat oliba olio Zorrotada on bat ardo zuri Porru bat Tipulin erdia Hiruzpalau piperbeltz ale Apioa adaxka bat Gatz larria Errezeta Era hoberena da beren azalarekin egostea. Garbitu egingo ditugu lehenik, itsatsirik …
Patatak mikrouhinetan apurtuta
Osagaiak 10 patata ertain, garbituak eta zuritu gabeak Oliba olio birjina, zorrotada bat Gurin puska eder bat Gatza Errezeta Patatak garbitu, eta sardexka baten hortzez zulatu alde guztietatik. Mikrouhinen labe batean sartu potentziarik handienean, eta …
Legatz hegalak saltsa berdean patatekin
Osagaiak Kg bat legatz hegal fresko, garbi eta azalik eta mintz beltzik gabe 10 koilarakada oliba olio Baso erdi bat ardo zuri Arrain salda edo ura 2 baratxuri xister, pikatuak Perrexil xehatua Kg laurden patata …
Vichyssoise, porru eta patata zopa
Vichyssoise, porru eta patata zopa Osagaiak Patata zurituak eta xerra mehetan zatituak, kilo erdia 2 porruren alde zuria, garbituta eta patatak bezalatsu zatituta Gurin koilarakada eder bat Gatz zimiko bat Ura, litro 1/2 bat Esnegain …