Otarrainxka koktela
- Errezeta
- Bidali iruzkina
Otarrainxka koktela –
Osagaiak
- 1,5 kg ganba, egosiak eta zurituak
- Uraza garbi bat, zerrenda mehetan moztua
- Sagar berde bat, zuritua eta zuztarrik gabe, dado txikitan moztua
- Maionesa saltsa
- Koilarakada bat tomate saltsa
- Xorta bat laranja zuku
- Xorta bat limoi zuku
- Xorta bat worcestershire saltsa
- Perrexila, zerrendatan moztua
- Gatza eta piperbeltza
Otarrainxka koktela
Errezeta
Otarrainxkak zuritu eta alde batean gordeko ditugu buruak. Gopor zabal batean, eskuz zanpatuko ditugu banan-banan buruak, haietan dagoen zuku pixarra ontzian gera dadin. Otarrainxka egosi zurituak ipiniko ditugu zuku horretan.
Gainerako gaiak erantsi eta maionesa saltsa isuriko dugu ondoren. Ongi nahasi eta gero, entsalada krematsu bat azalduko zaigu, gaiak ongi bereizten zaizkigula. Gatz-puntua zuzenduko dugu ondoren.
Koktel honetarako beste osagai hauek ere erabil ditzakegu: patata egosia, dadotan moztua; abokat umoa, dadotan moztua; pinaburu umoa, dadotan moztua eta erdiko ziri lodi gogorrik gabe. Bestalde, jogurt naturala eta oliba olio birjina ere nahasi ahal izango ditugu maionesarekin. Gustua da kontua.
Otarrainxka koktela
Otarrainxkak whiskiaren kutsuan
Otarrainxkak whiskiaren kutsuan – Osagaiak 16 otarrainxka eder 5 koilarakada oliba olio 2 baratxuri ale, xehatuak Baso oparo bat whisky Bi limoien zukua 100 g gurin Perrexil xehatua Gatza Otarrainxkak whiskiaren kutsuan Errezeta Otarrainxkak zurituko …
Otarrainxka egosiak
Otarrainxka egosiak – Beharrezkoak Itsasoko ura edo ura eta gatza Otarrainxka egosiak Errezeta Itsasoko ura da egokiena itsaskia egosteko, itsasoko ur garbia jakina. Horrelakorik ez badugu, komenigarriena da ur gazi ugari irakitan jartzea (20 g …
Pasta otarrainxkekin
Pasta otarrainxkekin – Osagaiak 16 otarrainxka fresko, azala kenduta, bitan zatituak, luzetara 2 baratxuri ale, txikituak 6 koilarakada oliba olio Perrexil xehatua 600 g pasta, egosi berria, nahi dena (saltsa daramaten plater mota honetarako espagetiak …
Otarrainxka salteatuak
Otarrainxka salteatuak – Osagaiak 2 kg otarrainxka fresko Oliba olioa Baratxuri xehatua, pittin bat Gatza salteatuak Errezeta Uretatik pasa eta ongi lehortuko ditugu otarrainxkak. Padera handi bat su bizian jarri eta zorrotada on bat olio …
Otarrainxka tartarea
Otarrainxka tartarea – Osagaiak kg otarrainxka gordin, zurituak eta labanaz dado txikitan moztuak 2 abokat heldu, dadotan moztua Tipulin bat, pikatua eta ondoren uretan garbitua (iragazkian ongi xukatua) Perrexila, pikatua Tipulin-belarra, pikatua Pixar bat ziape …
