Muskuilu zopa
- Errezeta
- Bidali iruzkina
Muskuilu zopa –
Osagaiak
- 2 kg muskuilu
- Kg erdia arrain mutur, hegalak edo matrailak
- 2 tipulin, pikatuak
- Porru bat, pikatua
- Azenario bat, pikatua
- 2 baratxuri ale, pikatuak
- Oliba olioa
- Baso bete ardo zuri
- 3 l ur
- 10 koilarakada tomate saltsa
- Esnegain urtu, mutur bat
Muskuilu zopa
Errezeta
Lurrunean irekiko ditugu muskuiluak, tipulin bat, ur pixar bat eta ardoarekin. Oskoletatik aterako ditugu muskuiluak eta zopa egiteko gordeko dugu egosi diren zukua. Oskolak, katuarentzat.
Kazola batean oliba olio pixar bat erantsi eta gainerako tipulina, porrua, azenarioa eta baratxuria jarriko dugu eztitzen, su eztian. Arrain muturrak erantsi eta 20 bat minutuan edukiko dugu guztia, su eztian betiere. Muskuiluak egosi diren salda erantsiko dugu ondoren, eta muskuilu pieza handi itsusienen txanda izango da hurren (baita hautsirik daudenena ere). Arrain hezurrak atera eta xehatu egingo dugu zopa, iragaziz.
Zerbitzatzerakoan erantsiko dugu esnegain mutur irakin berria. Zopa bizkor jo, nahasi eta oso bero zerbitzatuko dugu, gatz-puntua zuzendu eta gero. Zopa-ontzi batean isuriko dugu, gainerako muskuiluen gainean.
Muskuilu zopa
Pasta muskuiluekin
Pasta muskuiluekin Osagaiak Tipulin txiki bat, xehe-xehe egina Baratxuri ale bat, txikitua Oliba olio pixka bat Ardo zuri pixka bat Baso erdi bat ur Ximiko bat piperrauts gozo 2 koilarakada handi tomate saltsa Muskuilu txikiak, …
Muskuilu irin-arrautzeztatuak
Muskuilu irin-arrautzeztatuak – Osagaiak 2 Kg muskuilu Litro laurdena ardo zuri Kaienako pipermina, mutur bat Oliba olioa, frijitzeko Irina eta arrautza Baratxuri ale bat Muskuilu irin-arrautzeztatuak Errezeta Ur zurrusta hotzaren azpian garbituko ditugu muskuiluak, tentu …
Muskuiluak lurrunean irekita gurin saltsa krematsuarekin
Muskuiluak lurrunean irekita gurin saltsa krematsuarekin – Osagaiak 2 Kg muskuilu Litro laurdena ardo zuri Kaienako pipermina, mutur bat Gurina, zati handi bat (250 bat g.) Perrexil xehatua Errezeta Ur zurrusta hotzaren azpian garbituko ditugu …
Muskuiluak garbitzeko era
Muskuiluak garbitzeko era – Osagaiak Ura … Errezeta Muskuiluak jango baditugu, garrantzi handikoa da aldez aurretik haiek oso ongi garbitzea. Sukaldeko harraskan jarri, eta ur txorrotada hotzarekin garbitu ongi begiratuta. Bazter itzazu hautsiak dauden muskuiluak …
Muskuiluak ozpin-oliotan
Muskuiluak ozpin-oliotan – Osagaiak 2 kg muskuilu, lurrunean irekiak, epel eta oskol bakarrean 20 koilarakada oliba olio birjina 8 koilarakada sagardo-ozpin Tipulin bat, pikatua Piper gorri bat, pikatua Piper berde bat, pikatua 2 baratxuri ale, …
