Mertxika almibarrean
- Errezeta
- Bidali iruzkina
Osagaiak
- 10 mertxika
- 1,5 l ur
- 750 g azukre
- Bainila leka bat, bitan irekia eta alerik gabe
*Lau pertsonentzat
Errezeta
Kazola zabal batean (estu sartuko dira hartan mertxikak) ura jarriko dugu egosten. Irakiten hasi orduko sartuko ditugu mertxikak, osorik. 30 segundotan edukiko ditugu uretan. Haien ostean, xukatu eta hozten utziko ditugu, maneatu ahal izateko. Eskuez heltzeko moduan daudenean zurituko ditugu, kontu handiz, labana txiki zorrotz batez.
Mertxikak egosi diren kazola berean, litro eta erdi ur eta azukrea ipiniko ditugu, bainila lekarekin batean. Su eztian jarri eta borborka hasi denetik beste 5 minutuan edukiko dugu almibarra irakiten. Haien ostean, mertxika zurituak kazolaratuko ditugu: 10 bat minutuan edukiko ditugu alde bakoitzetik. Almibar horretan berean utziko ditugu hozten, xukatu gabe, tenperatura horretan guztiz egin daitezen.
Hoztu ondoren, bitan zatitu eta hezurra kenduko diegu melokotoiei. Almibarrean sartuko ditugu berriro, jateko.
Mertxika erreak
Osagaiak 12 mertxika edo melokotoi, ongi onduak eta ederrak Kanela ezpaltxo bat Bainila adaxka bat Moskatela, baso erdi bat Ura, baso handi bat 12 koilarakada bete azukre *Lau pertsonentzat Errezeta Uretan garbitu eta ongi xukatuko …
Mertxika zopa gozoa moskatelaren kutsuan
Osagaiak 6 mertxika edo melokotoi eder Moskatel botila bat Bainila adaxka bat, irekia eta aletua Litro bat ur 500 g azukre 2 laranjen zukua eta azala 2 limoiren zukua eta azala *Lau pertsonentzat Errezeta Mertxikak …
Mertxika konpota 1
Mertxika konpota 1 – Osagaiak 250 g azukre beltz Bainila adaxka bat, irekia eta aletua Limoi baten zukua eta birrindura 2 kg mertxika, ongi onduak, hezurrik gabe pisatuak Errezeta Kazola batean osagai guztiak nahasi, ongi …
Madalenak mertxikarekin
Madalenak mertxikarekin – Osagaiak 200 g azukre 4 arrautza 5 koilarakada esne 250 g irin Koilaratxokada bat legamia-hauts 125 g gurin urtu 2 limoi berderen edo, besterik ezean, horiren azal birrinduak Mertxika helduak, zurituak eta …
Mertxika konpota 2
Osagaiak 250 g azukre Bainila leka bat Limoi baten zukua Limoi baten birrindura Mertxika edo melokotoi onduak, kilo bat, azalarekin baina hezurrik gabe pisatuak Errezeta Bainila leka erditik ireki eta barrenekoa marruskatu bertan diren hazi …
