Likore pontxea
- Errezeta
- Iruzkin 1
Likore pontxea –
Osagaiak
- Kg bat azukre
- Botila bat cointreau
- Litro laurdena ron zahar
- Litro laurdena benedictine
- 4 laranja, puskatan
- 4 sagar, puskatan
- 4 banana, xerratan
- Mahats mordo eder bat, aletua
- 2 udare, puskatan
- 4 aran, hezurrik gabe eta zurituak, puskatan
- Meloi erdia, dadotan moztua
- 3 mertxika, zurituak eta puskatan, naturalak edo almibarrean
- 2 limoi oso, azalarekin, ataletan moztuak
- 4 botila ardo zuri (txakolin on bat ere izan daiteke)
- 6 botila cava edo champagne brut, oso hotza
- Izotza, ugari eta koskor loditan.
….
Errezeta
- Beratzen utziko ditugu gai guztiak cointreauan, ronean eta benedictinean, betekada baino 24 ordu lehenago, lurrezko tina handi batean edo xanpaina-ontzi izugarri batean edo ahal dugun tokian nahasiak. Fruta ere bestelakoa izan daiteke, merkatuaren eta norberaren gustuen arabera, angurriak, mandarinak, kakiak, eta abar.
- Koadrilako lehen lagun xaharrak hartu baino lehentxeago, ardo zuria, cava eta izotza gehituko ditugu eta biraka nahasi, nahastea dastatu eta parrandan hasiko gara.
…
Kasu!
Errezeta honek badu gauza on bat, goizeko seietarako mokoiloa kristorena da, sekulakoa, eta gosea ere berebizikoa. Jendeak hondoko fruta-puskak jango ditu, beste erremediorik gabe, ahitu egingo baitira ordurako soberan geratu diren pintxoak eta patata tortilla idorra.
Errezeta honen araberako kopuruak egundainoko oturuntza baterako dira. Bukaera hoberena opa dizuet nik guztioi. Gozatu!
Likore pontxea
Utzi erantzuna Asteburu honetan: Pontxea • ZUZEU(r)i
Banana erreak muskat intxaurrarekin
Banana erreak muskat intxaurrarekin – Osagaiak 8 banana eder, azala kendurik gurin biguna, puska polit bat 4 koilarakada azukre Muskat intxaurra xehaturik, pixar bat Ron tanta batzuk, edo gustuko beste pattar bat Banana errea muskat …
Mazedonia
Mazedonia – Osagaiak Sagar bat Udare bat 2 banana Pinaburu erdi bat Meloi gozo erdi bat 2 limoi berderen edo 2 limaren azala, birrindurik Eskukada bat marrubi Eskukada bat mugurdi Mahats mordo bat, aletua 2 …
Txokolate eta banana tarta
Txokolate eta banana tarta – Osagaiak Tarta molde bat, ore hautsiz edo hostorez estalia, labean errea 2 banana heldu Litro erdia esnegain 100 g azukre 5 arrautza 90 g txokolate beltz 30 g txokolate esnedun …
Banana enpanadatxoak
Banana enpanadatxoak – Osagaiak 20 disko ore, enpanadatxoak egiteko 6 banana, erdi tamainakoak, zurituak, eta oso dado txikietan zatituak Limoi baten zukua Gurina, intxaur eder baten neurriko zatia Azukre koilarakada bat Arrautza, joa Banana enpanadatxoak …
Sagar, udare eta bainila konpota
Sagar, udare eta bainila konpota – Osagaiak 6 sagar 6 udare 10 koilarakada ur Bainila adaxka bat, ireki eta aletua Limoi baten zukua Errezeta Sagarrak zuritu eta puska irregularretan zatituko ditugu lehenik, barneko zuztarra kenduta. …
[…] etxe-festa-parrandetarako RZ bat dakarkizugu, pontxea. Lehenik zera adierazi, RZren izena berez Likore Pontxea dela, beraz argi ibili eta burua erabili!, eta bestetik zera, alkoholik gabe edo gutxirekin ere […]