Likore pontxea
- Errezeta
- Iruzkin 1
Likore pontxea –
Osagaiak
- Kg bat azukre
- Botila bat cointreau
- Litro laurdena ron zahar
- Litro laurdena benedictine
- 4 laranja, puskatan
- 4 sagar, puskatan
- 4 banana, xerratan
- Mahats mordo eder bat, aletua
- 2 udare, puskatan
- 4 aran, hezurrik gabe eta zurituak, puskatan
- Meloi erdia, dadotan moztua
- 3 mertxika, zurituak eta puskatan, naturalak edo almibarrean
- 2 limoi oso, azalarekin, ataletan moztuak
- 4 botila ardo zuri (txakolin on bat ere izan daiteke)
- 6 botila cava edo champagne brut, oso hotza
- Izotza, ugari eta koskor loditan.
….
Errezeta
- Beratzen utziko ditugu gai guztiak cointreauan, ronean eta benedictinean, betekada baino 24 ordu lehenago, lurrezko tina handi batean edo xanpaina-ontzi izugarri batean edo ahal dugun tokian nahasiak. Fruta ere bestelakoa izan daiteke, merkatuaren eta norberaren gustuen arabera, angurriak, mandarinak, kakiak, eta abar.
- Koadrilako lehen lagun xaharrak hartu baino lehentxeago, ardo zuria, cava eta izotza gehituko ditugu eta biraka nahasi, nahastea dastatu eta parrandan hasiko gara.
…
Kasu!
Errezeta honek badu gauza on bat, goizeko seietarako mokoiloa kristorena da, sekulakoa, eta gosea ere berebizikoa. Jendeak hondoko fruta-puskak jango ditu, beste erremediorik gabe, ahitu egingo baitira ordurako soberan geratu diren pintxoak eta patata tortilla idorra.
Errezeta honen araberako kopuruak egundainoko oturuntza baterako dira. Bukaera hoberena opa dizuet nik guztioi. Gozatu!
Likore pontxea
Iruzkina bidali
Banana enpanadatxoak
Banana enpanadatxoak – Osagaiak 20 disko ore, enpanadatxoak egiteko 6 banana, erdi tamainakoak, zurituak, eta oso dado txikietan zatituak Limoi baten zukua Gurina, intxaur eder baten neurriko zatia Azukre koilarakada bat Arrautza, joa Banana enpanadatxoak …
Laranja eta tipulin entsalada
Laranja eta tipulin entsalada – Osagaiak 5 laranja mamitsu Tipulin fresko eta xamur bat, zerrenda oso mehetan moztua Oliba olio birjina estra Gatza … Errezeta Zuritu eta atal loditan edo xerratan moztuko ditugu laranjak. Oso …
Mazedonia
Mazedonia – Osagaiak Sagar bat Udare bat 2 banana Pinaburu erdi bat Meloi gozo erdi bat 2 limoi berderen edo 2 limaren azala, birrindurik Eskukada bat marrubi Eskukada bat mugurdi Mahats mordo bat, aletua 2 …
Abena edo oloa, esnea, platanoa eta kakao gosari/merienda edo postrea
Abena edo oloa, esnea, platanoa eta kakao gosari/merienda edo postrea – Osagaiak 800 ml esne 120 g abena edo olo 2 platano kakaoa 120 g azukre moreno edo panela galleta edo bizkotxoa (aukerakoa) … Errezeta …
Sangria flamenkoa
Sangria flamenkoa – Osagaiak Ardo beltz gaztea, litro bat 6 koilarakada azukre Litro laurden bat Pedro Ximenez Laranja bat eta limoi bat, puska handitan Izotzak Errezeta Pitxer eder batean ardo botila hustuko dugu. Azukre pixka …
[…] etxe-festa-parrandetarako RZ bat dakarkizugu, pontxea. Lehenik zera adierazi, RZren izena berez Likore Pontxea dela, beraz argi ibili eta burua erabili!, eta bestetik zera, alkoholik gabe edo gutxirekin ere […]