Likore pontxea
- Errezeta
- Bidali iruzkina
Likore pontxea –
Osagaiak
- Kg bat azukre
- Botila bat cointreau
- Litro laurdena ron zahar
- Litro laurdena benedictine
- 4 laranja, puskatan
- 4 sagar, puskatan
- 4 banana, xerratan
- Mahats mordo eder bat, aletua
- 2 udare, puskatan
- 4 aran, hezurrik gabe eta zurituak, puskatan
- Meloi erdia, dadotan moztua
- 3 mertxika, zurituak eta puskatan, naturalak edo almibarrean
- 2 limoi oso, azalarekin, ataletan moztuak
- 4 botila ardo zuri (txakolin on bat ere izan daiteke)
- 6 botila cava edo champagne brut, oso hotza
- Izotza, ugari eta koskor loditan.
….
Errezeta
- Beratzen utziko ditugu gai guztiak cointreauan, ronean eta benedictinean, betekada baino 24 ordu lehenago, lurrezko tina handi batean edo xanpaina-ontzi izugarri batean edo ahal dugun tokian nahasiak. Fruta ere bestelakoa izan daiteke, merkatuaren eta norberaren gustuen arabera, angurriak, mandarinak, kakiak, eta abar.
- Koadrilako lehen lagun xaharrak hartu baino lehentxeago, ardo zuria, cava eta izotza gehituko ditugu eta biraka nahasi, nahastea dastatu eta parrandan hasiko gara.
…
Kasu!
Errezeta honek badu gauza on bat, goizeko seietarako mokoiloa kristorena da, sekulakoa, eta gosea ere berebizikoa. Jendeak hondoko fruta-puskak jango ditu, beste erremediorik gabe, ahitu egingo baitira ordurako soberan geratu diren pintxoak eta patata tortilla idorra.
Errezeta honen araberako kopuruak egundainoko oturuntza baterako dira. Bukaera hoberena opa dizuet nik guztioi. Gozatu!
Likore pontxea
Txokolate eta banana tarta
Txokolate eta banana tarta – Osagaiak Tarta molde bat, ore hautsiz edo hostorez estalia, labean errea 2 banana heldu Litro erdia esnegain 100 g azukre 5 arrautza 90 g txokolate beltz 30 g txokolate esnedun …
Laranja sorbetea champagnearen kutsuan
Laranja sorbetea champagnearen kutsuan – Osagaiak 300 g laranja sorbeteko litro erdia champagne, oso hotza Laranja sorbetea champagnearen kutsuan Errezeta Irabiagailuaren ontzian nahasiko ditugu osagai guztiak. Segundo gutxi batzuetan eta bizi-bizi, krema izoztu bat, edontzi …
Masustak laranja zuku eta portorekin
Masustak laranja zuku eta portorekin – Osagaiak 500 g masusta, txortenik gabe 2 koilarakada azukre beltz Litro laurdena laranja zuku fresko, egin berria Zorrotada on bat porto Errezeta Garbitu eta gopor handi batean ipiniko …
Sagar, udare eta bainila konpota
Sagar, udare eta bainila konpota – Osagaiak 6 sagar 6 udare 10 koilarakada ur Bainila adaxka bat, ireki eta aletua Limoi baten zukua Errezeta Sagarrak zuritu eta puska irregularretan zatituko ditugu lehenik, barneko zuztarra kenduta. …
Marrubiak laranja zuku eta eztiarekin
Marrubiak laranja zuku eta eztiarekin – Osagaiak 750 g marrubi, ongi onduak, laurdenetan zatituak Ezti pixar bat Laranja zukua, litro laurdena Marrubiak laranja zuku eta eztiarekin Errezeta Ziur egon behar dugu marrubiek xomorrorik eta txortenik …
