Legatz isatsa txangurruz betea
- Errezeta
- Bidali iruzkina
Legatz isatsa txangurruz betea –
Osagaiak
- Legatz isats bat, 1,2 kg-koa. Arrain-saltzaileak kenduko dio hezurra, bitan ireki ondoren edo, trebea bada, hezurra isatsa ireki gabe aterata (barrutik zuloa eginda)
- 400 g txangurru, Donostiako eran maneatua
- Ura, xorta bat
- 6 koilarakada oliba olio
- 4 baratxuri ale, xaflatan moztuak
- 3 koilarakada sagardo-ozpin
- Perrexil pikatua
- Gatza
Legatz isatsa txangurruz betea
Errezeta
Kanpotik eta barrutik emango diogu legatzari gatza. Mahaian aurkeztuko dugun erretilu berberean erreko dugu. Txangurru dagoeneko maneatua erabiliko dugu betegarri gisa; ogitartekoen moduan edo, bestela, txangurrua hezurrak utzitako zuloan galkatuta, beteko dugu legatza. Ura gainetik garaztatu (ez lehortzeko), aldez aurretik 180º-tan berotutako labean sartu eta hantxe edukiko dugu legatz isatsa 25 bat minutuan. Arrainaren zukuaz garaztatuko dugu aldiro-aldiro isatsa, mamia egina dagoela ikusi arte. Heze egongo da beti erretiluaren hondoa, eta ura erantsiko dugu ardoa lurruntzen bada. Egizu kontu kilo bakoitzeko 15 bat minutu egin behar dituela arrainak labean.
Legatza labetik atera baino minutu batzuk lehenago, zartagin batean olioa su bizian berotu eta baratxuri xerrak gorrituko ditugu hartan. Txigortu direnean, sagardo-ozpina gaineratu eta irakiten edukiko dugu guztia segundo batzuetan. Erne zipriztinekin! Perrexil xehatua erantsi eta baratxuri-olio hori garaztatuko dugu legatz isatsaren gainetik. Zerbitzatzerakoan, labe-erretiluaren hondoa marruskatu eta lortutako zukuarekin garaztatuko dugu arraina, mamitsuago egon dadin.
…
kasu!
Txangurruaren ordez aukera ezberdin xinpleagoa dira ganbak, eta primeran geratzen da.
Legatz isatsa txangurruz betea
Legatz irin-arrautzeztatua
Osagaiak 8 legatz puska, hezurrik gabe. 75 g bakoitzak Oliba olioa, frijitzeko Baratxuri ale bat Irina eta arrautza joa Gatza *Lau pertsonentzat Errezeta Gatza emango diegu legatz puskei. Padera batean olio pixar bat isuri eta …
Legatza plantxan
Osagaiak 4 legatz solomo, hezurrik gabe 220 g bakoitzak 6 koilarakada oliba olio 4 baratxuri xister, zerrendatan moztuak 3 koilarakada sagardo-ozpin Perrexil txikitua Gatza Errezeta Gatza bi aldeetatik eman eta padera batean jarriko ditugu legatz …
Legatz kokotxak irin-arrautzeztatuak
Legatz kokotxak irin-arrautzeztatuak – Osagaiak Kg bat legatz kokotx fresko 3 baratxuri ale, osorik eta zuritu gabe Gatza Irina eta arrautza joa Oliba olioa, frijitzeko Legatz kokotxak irin-arrautzeztatuak Errezeta Garbitu, bizarrak moztu eta hezurrak kenduko …
Legatza ganba eta txirlekin
Legatza ganba eta txirlekin – Osagaiak 4 legatz solomo, hezurrik gabe 220 g bakoitzak Kg erdia ganba, gordinik eta zurituak 1/2 kg txirla 6 koilarakada oliba olio 4 baratxuri xister, zerrendatan moztuak 3 koilarakada sagardo-ozpin …
Legatz arraba egosiak
Osagaiak 800 g legatz arraba fresko Tipulin bat Eskukada bat perrexil adaxka Porru txiki bat Xorta bat ardo zuri Xorta bat oliba olio Gatza eta ura *Lau pertsonentzat Errezeta Erosi bezain laster, komenigarria izaten da …
