Gari-zainzuriak tenpuran
- Errezeta
- Bidali iruzkina
- Antzeko errezetak
Osagaiak
- Gari-zainzuriak, sorta handi bat
- 150 g irin
- Litro laurden bat ur
- Azukre pixka bat
- Okindegiko legamia prentsatua, 15 g
- Koilarakada erdi bat gatz
- Oliba olioa edo frijitzeko ekilore olioa
Errezeta
Irina, gatza, azukrea eta legamia jarriko ditugu gopor batean, eta dena behatz-mamiekin xehatu. Orduan gutxika-gutxika ura gehituko dugu. Ur epela izan behar du, 30 bat gradutan, ez beroago, legamia ez hondatzeko. Hagaxka baten edo koilara baten laguntzarekin, ura gehituko dugu, irina-eta hartu arte. Ez dadila pikorrik sortu. Goporra zapi batekin estali eta pausatzen utzi dena ordu erdiz leku epel batean, ikuzgailua dugun gelan adibidez.
Orea hartzi dela ikusiko dugu, altxatzen dela, harrotu eta burbuilak egiten dituela.
Orduan zainzuriak garbituko ditugu. Beheko alde gogorra kendu, zainzuria behe-behetik tolestuz. Horrela zati ez hain gogorretik hauts dadin lortuko dugu. Labanarekin egingo bagenu, arrisku bat dugu, zainzuri puska samur bat kentzea, edo, kontrakoa, jan ezin daitekeen puska gogorregia kendu gabe geratzea. Gero, patata zuritzekoarekin, zainzuriari azala kenduko diogu, behe-behetik zainzuri-mutur aldera, baina muturretik zentimetro bateraino. Azala kenduko dugu, bada, baina kontuz, gehiegi kendu gabe. Zainzuriak, gero, 7-8 cm-ko makilatxotan moztu, eta hagitz lodiak baldin badira, luzetara, bi edo hiru puskatan.
Moztu eta gero, beraz, makilatxoak gazitu eta tenpuran murgildu, banaka-banaka, laster eta askatu gabe, muturretik hartuta, eta handik zartaginera, olio beroan frijitzeko. Berdin egingo dugu zainzuri guztiekin. Ateratzean, xukatu eta ongi kurruskari daudela jango ditugu.
Nahi izanez gero, romesco saltsarekin, alliolirekin edo tomate saltsa hotzarekin jan ditzakegu.
Gari-zainzuriak beren horretan
Osagaiak Gari-zainzuri freskoak, 2 sorta Ura eta gatza *Lau pertsonentzat Errezeta Zainzuriei beheko alde gogor eta lurtsua kenduko diegu. Horretarako, behe-behetik tolestu zainzuria eskuekin. Zainzuria alde zati ez hain gogorretik hauts dadin lortuko dugu. Gero …
Gari zainzuri arrautzopila
Osagaiak 2 sorta gari-zainzuri 3 koilarakada oliba olio 8 arrautza, joak eta gatza emanak Gatza *Lau pertsonentzat Errezeta Alde gogorra eta lurtsua kenduko diegu gari-zainzuriei. zuritu. Muturra bereizi, 2 bat cm, eta xerra mehetan moztuko …
Gari-zainzuriak arrautza irakinarekin
Osagaiak 36 gari-zainzuri, modu naturalean egosiak, edo kontserbakoak 8 arrautza oso fresko 2 dezilitro sagardo-ozpin 2 litro ur Oliba olio birjina, 4 koilarakada handi Gatza *Lau pertsonentzat Errezeta Eltze bat hartu, ahal dela altua eta …
Zainzuriak ilar freskoekin
Zainzuriak ilar freskoekin Osagaiak Sorta bat zainzuri fresko Ura eta gatza 800 g ilar fresko, xamur eta txiki (lekak gordeko ditugu, zabalik) 10 koilarakada ilar leka salda Tipulin fresko bat, pikatua 2 baratxuri ale, xehatuak …
Gari-zainzuriak arandoiekin
Osagaiak Bi sorta gari-zainzuri 200 g arandoi, arkume nahiz txahalarenak 2 baratxuri ale, xerratan 5 koilarakada oliba olio Gurina, mutur bat Gatza *Lau pertsonentzat Errezeta Ordu erdian edukiko ditugu arandoiak ur hotzean. Lehortu eta garbitu …