Behi mingaina ardo beltzaren saltsan
- Errezeta
- Bidali iruzkina
Behi mingaina ardo beltzaren saltsan –
Osagaiak
- Behi mingain bat
- 1,5 l ur
- Haragi salda kontzentratua, pastilla bat
- Tipula bat, zerrendetan zatitua
- 2 baratxuri ale
- 2 azenario, xerratuak
- Porru bat, xerratua
- Oliba olio pixar bat
- Baso handi bat ardo beltz
- Arrautza, irina eta olioa, irin-arrautzatan pasatzeko
Behi mingaina ardo beltzaren saltsan
Errezeta
Kazola batean olio tanta bat isuri eta gorritzen ipiniko dugu mingaina, alde guztietatik txigortu arte. Ondo txigortu dela ikustean, atera egingo dugu kazolatik. Orduan kazolara irauliko ditugu barazkiak eta erdi egosten utziko ditugu su eztian.
Eginak daudenean, erantsiko dugu ardoa eta irakiten utziko dugu guztia lurrindu arte. Berriro ere sartuko dugu mingaina kazolan, ur beroz estali eta haragi salda pastilla erantsiko diogu. Su eztian egosten utziko dugu guztia mingaina xamur gelditu dadin arte (noizean behin pixka bat ziztatu behar da egoste puntua ikusteko). Ordu pare bat beharko ditu egosteko (presio-eltzea erabiltzen badugu, 50 minutu).
Ondo egosi eta xamurtu denean, xukatu. Epeltzen hasi denean, azala kenduko diogu mingainari. Xerrak egin eta irin-arrautzatan pasako dugu ondoren. Olio bero ugarian frijitu eta paper xurgatzailean xukatuko ditugu xerrak, soberan duten koipea kentzeko.
Horren ostean, ondo xehatu eta iragazki fin batean pasako dugu saltsa. Mingain xerrak saltsan sartu eta gatz puntua zuzenduko dugu ondoren. Zerbitzatu aurretik pausatzen utzi.
Behi mingaina ardo beltzaren saltsan
Behi haragia saltsan barrengorriekin
Osagaiak 1,5 kg behi haragi, gisatzeko, erdi tamainako pusketan zatitua 2 piper txorizero, aurrez 1,5 l ur epeletan beratuak, ordu pare batean 3 baratxuri ale, pikatuak 2 tipulin handi, pikatuak Irin pixar bat 10 koilarakada …
Modako behikia
Osagaiak Kg bat behiki (tapa, kadera, biribilkia. Harakina trebea bada, urdaiztatua eta hariz josia, sasoiari eusteko) Txahal hanka oso bat, bitan zatitua 4 koilarakada oliba olio Tipula bat Azenario bat Porru bat 2 baratxuri ale …
Haragi xerra eta piper ogitartekoa
Haragi xerra eta piper ogitartekoa – Osagaiak Opil bat, bitan irekia Haragi xerra bat, ez oso lodia, zaharrarena edo gaztearena (behia edo txahala) 2 baratxuri ale, xerratan Xorta bat oliba olio Piper errea, zuritua eta …
Eltzekaria nola egin
Osagaiak Porru bat 2 azenario Arbi bat Tipula bat, iltze usaintsu bat ziztaturik duela Baratxuri-buru bat 10 koilarakada oliba olio 2 hanka hezur eta 2 belaun hezur 200 g txerri saiheski 200 g txerri urdai …
Behi isatsa ardo beltzaren saltsan
Behi isatsa ardo beltzaren saltsan – Osagaiak 2 behi isats, kilo banakoak, giltzaduretatik zatituak Ardo beltza, litro erdia Azenario bat 2 tipula 10 baratxuri ale, osorik Gurin puska bat, ederra 3 litro ur Haragi salda, …
