Bakailaoa tomate eta piperrekin
- Errezeta
- Bidali iruzkina
Osagaiak
- 4 bakailao solomo beratu, 200 g bakoitzak
- 4 pipermorro gorri, erreak, zurituak eta zerrendatan moztuak
- 4 baratxuri ale
- Tipulin bat, pikatua
- 6 tomate umo, pikatuak
- Xorta bat ardo zuri
- 12 koilarakada oliba olio
- Ximiko bat irin
Errezeta
Kazola batean 5 koilarakada olio isuri, tipulina gaineratu, gatza eman eta sutan edukiko dugu guztia, barazkia xamur geratu arte. Tomatea eta ardoa erantsi eta su eztian gozatuko ditugu kazolako gaiak, zaporea ongi mamitu arte. Ordu erdi baten buruan iragoko dugu saltsa puregailutik (ez irabiagailurik erabili, kolore gorria galdu egingo baita bestela).
Gainerako olioa eta baratxuriak, erditik moztuak, jarriko ditugu padera batean. Gorritu orduko aterako ditugu baratxuriak. Bakailao puskak ipiniko ditugu ondoren, irinetan pasa eta gero. Binaka egingo ditugu, bizpahiru minutuan. Mamitsu geratuko dira barrutik, garrantzitsua da hori. Erretilu batera aterako ditugu, olioa isur dezaten.
Tomate saltsan sartuko ditugu ondoren solomoak, erretako piper-zerrendekin batean: su eztian edukiko ditugu gutxienez 5 minutuan, kazolari eragin eta eragin. Sutatik atera eta epeltzen utziko dugu kazola. Epe baten ondoren, berriro edukiko dugu kazolan su ezti-eztian, beste 5 bat minutuan. Sutatik atera eta zerbitzatu.
Tomateak okelaz beteak carolaren eran
Osagaiak 8 tomate heldu, ertainak eta trinko-trinkoak, betetzeko 2 tipulin, xehatuak 3 baratxuri ale, xehatuak 4 koilarakada oliba olio Haragi xehatua, kilo bat (txerrikia, behikia edo txahalkia, gizenduna, lehorra izan ez dadin) Tomate saltsa, 10 …
Arroza entsaladan
Arroza entsaladan – Osagaiak Arroz zuria, kilo erdia 2 baratxuri ale, osorik Oliba olio birjina, 3 koilarakada 2 litro ur 3 tomate, ongi helduak Piper berde bat, txikitua Tipulin bat, txikitua Gatza Arroza entsaladan Errezeta …
Brokoli egosia bakailao eta baratxuri saltsarekin
Brokoli egosia bakailao eta baratxuri saltsarekin – Osagaiak Brokoli eder bat edo bi ertain 4 baratxuri ale, xerratan moztuak 8 koilarakada oliba olio Ximiko bat piperrauts gozo Eskukada handi bat bakailao geza, beratua eta zati …
Azalore eta brokoli egosia bakailao eta olio errearekin
Azalore eta brokoli egosia bakailao eta olio errearekin – Osagaiak Azalore eder bat Brokoli pare bat 4 baratxuri ale, xerratan moztuak 8 koilarakada oliba olio Ximiko bat piperrauts gozo Eskukada handi bat bakailao geza, beratua …
Piper berde beteak entsaladan
Piper berde beteak entsaladan – Osagaiak 12 piper berde luze, ahalik eta leunenak (zimur gabeak) Oliba olioa frijitzeko 2 piper berde, luzetara moztuak 4 tipulin eder, zerrendatan moztuak Baratxuri ale bat Oliotan edo ozpinetan kontserbatutako …
