Brokoli egosia bakailao eta baratxuri saltsarekin
- Errezeta
- Bidali iruzkina
Brokoli egosia bakailao eta baratxuri saltsarekin –
Osagaiak
- Brokoli eder bat edo bi ertain
- 4 baratxuri ale, xerratan moztuak
- 8 koilarakada oliba olio
- Ximiko bat piperrauts gozo
- Eskukada handi bat bakailao geza, beratua eta zati ertainetan moztua
- Ximiko bat irin
- Oliba edo eguzki-lore olioa, frijitzeko
- Gatza
Brokoli egosia bakailao eta baratxuri saltsarekin
Errezeta
Eltze batean, ur ugari jarriko dugu irakiten, gatz pixka batekin. Hosto berdeak kendu eta zuztarra moztuko diogu ondoren brokoliari. Mulkoak bananduko ditugu ondoren. Garrantzitsua da mulkoak sorrarazten dituen zuztarra edo zurtoina ez botatzea, brokoliaren gainerako aldeekin egosi ahal izango baitugu zuritu eta hirutan edo lautan zatitu ostean. Alde goxoena da hori.
Ur hotzean ongi garbitu, xukatu eta, ura irakiten hasi orduko, sartuko dugu brokolia eltzean. 10-15 minutuan edukiko dugu sutan, tapatu gabe. Kolore bizia galduko du, tapatzen badugu. Labanaren punta zati lodienean ziztatuz jakingo dugu xamur dagoen ala ez.
Bakailao puskak irinetan axaletik pasa eta gero, olio oso beroan frijituko ditugu, ongi gorritu arte. Xukatu egingo ditugu ondoren.
Padera txiki batean, olio berotan jarriko ditugu baratxuriak. Sutatik atera eta piperrautsa erantsiko dugu. Biraka eragingo diogu etengabe zurezko zaliari, piperrautsa olioarekin ongi nahas dadin. Baratxuri saltsa hau brokoli egosi eta xukatu berriaren eta bakailao zatien gainean isuri eta, gatz pixarra eman ondoan, mahairako prest edukiko dugu guztia.
Brokoli egosia bakailao eta baratxuri saltsarekin
Brokoli egosia baratxuri saltsarekin
Osagaiak Brokoli eder bat edo bi ertain 4 baratxuri ale, xerratan moztuak 8 koilarakada oliba olio Ximiko bat piperrauts gozo Gatza Errezeta Eltze batean, ur ugari jarriko dugu irakiten, gatz pixka batekin. Hosto berdeak kendu …
Baratxuri zopa bizkorra bakailaoarekin, mikrouhinetan
Baratxuri zopa bizkorra bakailaoarekin, mikrouhinetan – Osagaiak 8 baratxuri xister, xerratan Pipermin lehorra, pixar bat Zorrotada bat oliba olio Ogi txigortua edo zopako ogia, puska eder bat (60 bat g) 4 koilarakada bete tomate saltsa …
Kontserbako bakailao arraben arrautzopila
Osagaiak Koilarakada bat oliba olio Perrexil hostoak (eskutada eder bat), nolanahi pikatuak Kontserbako bakailao-arraben lata pare bat; trinkotuak badaude, dadotan puskatuak 8 arrautza Gatza Errezeta Katilu handi batean arrabak jarri eta perrexila gehitu. Arrautzak jo …
Tomate entsalada oliotan ondutako bakailao gibelarekin
Osagaiak 4 tomate heldu Oliotako bakailao gibela, pote bat olioa kenduta 2 koilarakada sagardo-ozpin Oliba olio birjina, 8 zopa-koilarakada Gatza *Lau pertsonentzat Errezeta Kendu zurtoina tomateei eta, kontu handiz, labana zorrotz batekin, azala kendu, fruitua …
Bakailaoa tomatearekin
Osagaiak 4 bakailao solomo beratu, 200 g bakoitzak 4 baratxuri ale Tipulin bat, pikatua 6 tomate umo, pikatuak Xorta bat ardo zuri 12 koilarakada oliba olio Ximiko bat irin Errezeta Kazola batean 5 koilarakada olio …
