Bakailao kroketak
- Errezeta
- Bidali iruzkina
Bakailao kroketak
Osagaiak
- 450 g bakailao papurtu, beratua eta pikatua
- Tipulin bat, pikatua
- 2,2 litro esne
- 75 g gurin eta 75 ml oliba olio birjina
- 3 arrautza, 2 egosi eta pikatuak eta 1 joa
- 300 g irin
- Tanta batzuk eguzki-lore olio
- Ogi birrindua
Errezeta
Irakin egingo dugu esnea. Bestalde, kazola zabal batean gozatuko dugu tipulina gurin eta olioarekin, su eztian, 30 bat minutuan, ongi egin arte. 280g Irina erantsi eta ongi nahasiko dugu ondoren. Berehala erantsiko dugu irakindako esnea, pixkana-pixkana, zurezko zaliari eragin eta eragin. Su gainean landuko dugu saltsa, 15-20 minutuan, koilara eragiteari utzi gabe. Arrautza egosia eta bakailaoa gaineratuko ditugu ondoren (gaiak itsasten ez diren padera batean, olio tanta batzuetan salteatuko dugu aurrez bakailaoa). Gatz puntua neurtu eta zuzendu.
Eguzki-lore olioaz igurtzitako erretilu batean isuri eta hozten utziko dugu bexamela, film paperaz ongi estali eta gero. Eskuak irinez ongi igurtzi eta gero landuko dugu orea, nahi bezalako neurriko bolatxoak itxuratuz. Irin, arrautza eta ogi birrinduan pasatuko ditugu ondoren. Pausatzen utziko ditugu frijitu aurretik bolatxoak, leher ez daitezen.
Bakailao kroketak
Bakailaoa beratzeko era
Osagaiak Ura Bakailaoa Errezeta Bakailaoa prestatzerakoan gakoetako bat, zalantzarik gabe, bakailaoaren beraren kalitateaz gain, ongi beratzea da, ongi gezatzea.Ahal dela, hozkailuan egingo dugu. Bakailaoa ur hotzarekin sartu eltze batean. Ura, gutxienez, bakailaoa halako hiru izan …
Bakailao patea
Osagaiak 750 g bakailao haragi fresko, hezur eta azalik gabe. Bakailao ketua, 3 xerra Bi baso bete esnegain urtu 150 g gurin 2 tipulin, xehetuak Zorrotada bat Xerez ardo Piperbeltz eho berria eta gatza Errezeta …
Porrusalda bakailaoarekin
Porrusalda bakailaoarekin Osagaiak 4 porru eder 2 azenario eder Patatak, kilo erdia Litro bat ur Bakailao zati eder bat, beratua, azalik gabe eta izpituta 4 koilarakada oliba olio … Errezeta Lehenik porruak eta azenarioak zuritu …
Kuiatxoak bakailaoz beteta
Osagaiak Bakailao errezeta bat, ajoarrieroa 4 kuiatxo handi 4 koilarakada oliba olio Gatza *Lau pertsonentzat Errezeta Kuiatxoak garbitu eta lehortuko ditugu. Luzetara moztu bitan, eta koilaratxo baten laguntzaz hustu egingo ditugu, kontu handiz, haragi pixka …
Bakailao brandada
Bakailao brandada – Osagaiak Kg bat bakailao, beratua eta 8 puskatan zatitua Litro laurdena oliba olio birjina Litro laurdena esne Limoi baten zukua Bakailao brandada Errezeta Urez betetako kazola batean ipiniko ditugu bakailao solomoak, azal …
