Bakailao kokotxa freskoak saltsa berdean patatekin
- Errezeta
- Bidali iruzkina
Osagaiak
- 900 g bakailao kokotx fresko, azalik gabe
- Oliba olioa (1º)
- Xorta bat ardo zuri
- Arrain salda edo ura
- Baratxuri ale bat, pikatua
- Perrexil pikatua
- Kg laurdena patata txiki, egosiak eta xafletan moztuak
- Gatza
Errezeta
Kazola behe apal batean ipiniko ditugu kokotxak gatza emanak eta azala gora. Haien gainean isuriko dugu oliba olioa, estali arteraino, eta baratxuri pikatuak. Su ezti-eztian jarriko dugu kazola, mantso bero dadin. Hara eta hona eragingo diogu ondoren. 4 bat minutuan iraungo dugu lan honetan.
Gelatina isurtzen hasi orduko (olioa nahasten hasia izango da), erantsiko dugu ardo zuria. Eragin eta eragin segituko dugu guk betiere, su ezti-eztian. Kokotxen izaera eta freskuraren arabera lodituko zaigu saltsa. Koipetsu behar du saltsak baina fina aldi berean, loditasun puntua ageri behar du, baina zeharo trinkotu gabe. Kokotxak lodiegi badaude, arrain salda edo ur beroa erantsiko diegu, saltsa mehetu arte. Gatz puntua zuzenduko dugu. Erne ibil gaitezen su biziarekin, purea egiteko arriskua baitago pasatuz gero.
Bukatzeko, erantsi eta inarrosaldi bizi batez nahasiko ditugu patata xaflak kazolan. Perrexil pikatua gainetik hautseztatu eta zerbitzatuko ditugu kokotxak.
Baratxuri zopa bizkorra bakailaoarekin, mikrouhinetan
Baratxuri zopa bizkorra bakailaoarekin, mikrouhinetan – Osagaiak 8 baratxuri xister, xerratan Pipermin lehorra, pixar bat Zorrotada bat oliba olio Ogi txigortua edo zopako ogia, puska eder bat (60 bat g) 4 koilarakada bete tomate saltsa …
Bakailaoa bizkaiko eran
Bakailaoa bizkaiko eran – Osagaiak Kg bat bakailao, beratua eta 250 g-ko puskatan moztua, lehor eta ezkatarik gabe Kg erdia tipula gorri, zerrendetan moztua 10 piper txorizeroen mamia, uretan beratu ondoren Porru bat, pikatua 2 …
Bakailao freskoa irin-arrautzeztatua
Osagaiak 4 solomo bakailao fresko, 220 g bakoitzak Ximiko bat irin Arrautza joa Oliba olioa Gatza Errezeta Irinetan igurtziko ditugu bakailao puskak, soberakina erretiratuz. Arrautza jo eta hartan bustiko ditugu ondoren puskak. Padera batean olio …
Azalore eta brokoli egosia bakailao eta olio errearekin
Azalore eta brokoli egosia bakailao eta olio errearekin – Osagaiak Azalore eder bat Brokoli pare bat 4 baratxuri ale, xerratan moztuak 8 koilarakada oliba olio Ximiko bat piperrauts gozo Eskukada handi bat bakailao geza, beratua …
Bakailao kokotxa freskoak irin-arrautzeztatuak
Osagaiak Kg bat bakailao kokotx fresko, azalik gabe Ximiko bat irin Arrautza joa Oliba olioa Gatza Errezeta Irinetan igurtziko ditugu multzoka bakailao kokotxak, soberakina erretiratuz. Arrautza jo eta hartan bustiko ditugu ondoren puskak. Padera batean …
