Bakailaoa bizkaiko eran
- Errezeta
- Bidali iruzkina
Bakailaoa bizkaiko eran –
Osagaiak
- Kg bat bakailao, beratua eta 250 g-ko puskatan moztua, lehor eta ezkatarik gabe
- Kg erdia tipula gorri, zerrendetan moztua
- 10 piper txorizeroen mamia, uretan beratu ondoren
- Porru bat, pikatua
- 2 piper berde, zerrendatan moztua
- Tomate umo bat, puskatan
- 5 baratxuri ale, zurituak
- Litro laurdena oliba olio
- Litro erdia ur
- Pastilla bat haragi salda
- Gatza
Bakailaoa bizkaiko eran
Errezeta
Kazola batean, su eztian berotzen jarriko ditugu 10 koilarakada oliba olio. Bi baratxuri ale edo erantsiko ditugu ondoren, bitan zatituak. Gorritzen hasi orduko erantsiko dugu tipula, eta su hartan edukiko dugu eztitzen, ordu betean, ongi ilundu arte. Orduan gaineratuko ditugu porrua, piperrak eta tomatea. Beste ordu betean edukiko dugu guztia sutan. Epe horren ostean erantsiko ditugu ogi zatiak, uraren erdia, salda-pastilla eta piperren mamia. Beste ordu erdian utziko dugu gozatzen dena. Bost minutu aurretik erantsiko dugu gainerako ura. Ongi nahasiko dugu ondoren dena. Gatz puntua zuzendu eta, puregailutik pasa eta gero, iragazki fin batetik iragoko dugu saltsa. Lodi badago, ur pittin bat erants diezaiogun. Horra saltsa.
Padera batean gainerako olioa isuri eta hartan ipiniko ditugu gainerako baratxuriak, bitan zatituak. Frijitu orduko aterako ditugu. Bakailao puskak sartuko ditugu ondoren binaka, eta hiru bat minutuan utziko ditugu konfitatzen, frijitu gabe. Garrantzitsua da hori. Erretilu batera aterako ditugu gero, ongi xuka daitezen. Beste hainbeste egingo dugu beste bi puskekin.
Saltsa bizkaitarrean murgilduko ditugu ondoren bakailao puskak, ongi estalirik. Sutan edukiko dugu kazola 10 bat minutuan, borborka hasi arte. Sutatik atera eta epeltzen utziko dugu ondoren. Saltsa lodiegi sumatzen badugu, gelatinaz eta bakailaoak erretiluan xukatzerakoan utzitako zukuaz arinduko dugu.
Bakailaoa pausatu ondoren, beste 5 minutuan edukiko dugu su ezti-eztian, zerbitzatu aurretik.
Bakailaoa bizkaiko eran
Pasta tomate eta txorizoarekin
Pasta tomate eta txorizoarekin – Osagaiak 700 g pasta, egosi berria, nahi dena (saltsa daramaten plater mota honetarako espagetiak edo tagliatelleak dira egokiak) 4 tomate handi, helduak, zurituak eta dadotan moztuak Tipulin handi bat 2 …
Bakailaoa Club Ranero eran
Bakailaoa Club Ranero eran – Osagaiak 4 puska bakailao beratu eta lehor, 250 g bakoitzak Oliba olioa, gradu batekoa (1º), puskak ongi estaltzeko moduan 8 baratxuri ale, osorik Kaienako pipermina, mutur bat 10 koilarakada barazki …
Bakailaoa tomatearekin
Osagaiak 4 bakailao solomo beratu, 200 g bakoitzak 4 baratxuri ale Tipulin bat, pikatua 6 tomate umo, pikatuak Xorta bat ardo zuri 12 koilarakada oliba olio Ximiko bat irin Errezeta Kazola batean 5 koilarakada olio …
Bakailao hegalak saltsa berdean patatekin
Osagaiak Bakailao freskoaren hegalak, garbiak, hondar beltzak-eta kenduta. Kilo bat 10 koilarakada oliba olio Baso erdi bat ardo zuri Arrain salda edo ura 2 baratxuri ale, txikituak Perrexil txikitua Patata txiki batzuk, egosiak, xerra lodi …
Tomateak hegaluzez beteta romesko saltsarekin
Osagaiak 8 tomate heldu, ertainak eta trinko-trinkoak, betetzeko Hegaluzea oliotan edo ozpinetan, ongi hautatua, 8 zati Tipulin bat, xehatua Baratxuri ale bat, xehatua Perrexil xehatua Oliba olio birjina, 2 koilarakada 16 koilarakada romesco saltsa Gatza …
