Ahate konfitatua entsaladan illarramendi eran
- Errezeta
- Bidali iruzkina
Ahate konfitatua entsaladan illarramendi eran –
Osagaiak
- 4 ahate izter konfitatu, ongi xukatuak
- 2 eskarola garbi, lehor eta hostoak solte
- 3 baratxuri ale, pikatuak
- 8 koilarakada oliba olio birjina
- Limoi zukua
- Mutur bat ale-ziape
- Tomate umo bat, zuritua eta dado txikitan moztua
- Gatza
Errezeta
Ohol batean, labana zorrotz batez, kenduko diegu hezurra ahate izter konfitatuei. Horretarako, hezurraren arrastoari segitu baino ez dugu egin behar “L itxurakoa da“, eta izterren haragia bereiziko dugu bi ataletan, hezurra garbi utzirik. Izter konfitatu erdi bakoitza lodiera handi samarreko xerratan zatitu eta erretilu batean hedatuko ditugu ondoren, labean sartzeko. 200º-ko tenperaturan edukiko ditugu 15 bat minutuan, ongi txigor daitezen. Atera eta irauli egingo dugu erretilua soberako koipea erretiratzearren.
Katilu batean nahasiko ditugu limoi zukua, gatza, oliba olioa, baratxuri ale pikatuak, ziapea eta tomate dado txikiak. Ozpin-olioa ongi nahasi eta ahate xerra beroen gainean garaztatuko dugu. Erretiluaren zukuaren zati txiki batez onduko dugu eskarola: bira batzuk eman eta ahate xerren gainean zabalduko dugu. Olio-ozpinaren gainerakoarekin garaztatu eta hoztu baino lehen zerbitzatuko dugu guztia.
Ahate konfitatua entsaladan illarramendi eran
Ahatea erreta
Ahatea erreta – Osagaiak Ahate eder bat, garbia eta erretzeko prestatua, edo 2 ertain (erretzeko arraza egokia da Barberie delakoa) Baratxuri-buru bat Gatza eta piperbeltza, eho berria 2 baso bete ur Errezeta Labe-erretilu batean ipiniko …
Babarrun gorriak ahate konfitarekin
Babarrun gorriak ahate konfitarekin – Osagaiak Kg erdia babarrun gorri 2 litro ur Tipula bat 2 koilarakada handi oliba olio Gatza 3 baratxuri ale Ahate konfita, 2 izter edo 2 hegal Ibarrako piperrak, ozpinetan onduak …
Ahate magret errea abrikotekin
Ahate magret errea abrikotekin – Osagaiak 4 ahate magret edo papar, freskoak 4 baratxuri ale 12 abrikot, erdi tamainakoak, umoak eta usaintsuak Zimiko bat azukre Mutur bat gurin Kanela, adaxka bat Gatza Errezeta Koipearen aldetik …
Ahate magreta erreta
Ahate magreta erreta Osagaiak 4 ahate magret edo papar, freskoak 4 baratxuri ale Gatza Errezeta Koipearen aldetik hartuko ditugu paparrak eta sare formako ebakia ziztatuko diegu labana zorrotz batez, haragia ukitu gabe. Errazago desegingo da …
Ahate errota konfitatuak tipula eta patatekin salteatuak
Ahate errota konfitatuak tipula eta patatekin salteatuak – Osagaiak Kg bat ahate errota, koipean konfitatuak (kontserban) 2 tipula, zerrenda mehetan zatituak 5 patata eder, zurituak eta xerra loditan moztuak Gatza Perrexil xehatua Errezeta Ongi xukatuko …
