Atuna eskabetxean
- Errezeta
- Bidali iruzkina
Osagaiak
- 1,5 kg atun, garbi domina lodietan moztua (hobe isats aldekoak badira, samurragoak baitira)
- Irina eta frijitzeko olioa
- 2 tipulin eder, zerrendatan moztuak
- Porru bat, xerratan
- 8 baratxuri xister, osorik
- Erramua, hosto fresko bat
- 4 koilarakada tomate saltsa
- 10 koilarakada oliba olio
- Koilarakada bat piperrauts gozo
- Koilarakada erdia piperrauts min
- Litro erdia oliba olio birjina
- Litro laurdena sagardo-ozpin
- Litro laurdena ardo zuri
- Gatza
Errezeta
Gatza eman, irinetan azaletik pasa eta olio ugarian frijituko dugu atuna. Xukatu eta geroko gordeko dugu.
Kazola handi bat sutan jarri, koilarakada batzuk oliba olio isuri, tipulinak, porrua eta baratxuriak ipini eta, gatz pixka bat eman ondoren, su eztian edukiko dugu dena frijitzen, 10 bat minutuan. Piperrautsa eta erramua gaineratuko ditugu ondoren. Nahasi eta oliba-olio birjina, sagardo-ozpin eta ardo zuriaren txanda izango da hurren. Irakin eta beste 5 bat minutuan utziko dugu dena egosten, ozpinak indarra gal dezan. Sua itzali eta epeltzen utziko dugu ondoren eskabetxea. Une horretan kazolaratuko ditugu atun puskak, lehor ez daitezen. Beste pare bat minutuan edukiko ditugu atun dominak su eztian, irakiten utzi gabe. Sutatik atera eta hozten utziko dugu ondoren guztia.
Hoberena dugu dena prestatu eta jakiari gutxienez 12 orduz epeltzen utzi ostean ohore egitea. Atuna behar bezala bustiko da ordurako zuku horretan. Patata egosi batzuk izan daitezke lagungarri ona: eskabetxearen barazki eta zukuarekin onduko ditugu, gatz pixka batekin.
Atun eta piper erre ogitartekoa
Atun eta piper erre ogitartekoa – Osagaiak Opil bat, bitan irekia Lata txiki bat hegaluze oliotan, ongi xukatua eta zatitan bereizia Piper gorriak edo berdeak, erreak, zurituak, zerrendatan moztuak eta oliotan, baratxuri ale gordin batekin, …
Atuna pistoarekin
Atuna pistoarekin – Osagaiak 4 atun solomo lodi, hezur eta azalik gabe, 220 g bakoitzak 4 baratxuri ale Kg erdia barazki-pisto, dagoeneko maneatua 3 koilarakada oliba olio Ximiko bat irin Xorta bat ardo zuri Atuna …
Atuna piperrekin
Osagaiak 4 atun solomo lodi, hezur eta azalik gabe, 220 g bakoitzak Ximiko bat irin 12 piper berde, zerrendetan moztuak 4 baratxuri ale Oliba olioa Gatza Errezeta Padera batean olio ugari isuri eta su bizian …
Atun arrautzopila
Osagaiak Koilarakada bat oliba olio Perrexil hostoak (eskutada eder bat), nolanahi pikatuak 4 atun puska eder (atuna oliotan edo eskabetxean), xukatua eta izpitua 8 arrautza Gatza Errezeta Katilu handi batean atuna jarri eta perrexila gehitu. …
Atuna plantxan baratxuri-olioarekin
Osagaiak 4 atun solomo, hezur eta azalik gabe, 220 g bakoitzak 6 koilarakada oliba olio 4 baratxuri xister, zerrendatan moztuak 3 koilarakada sagardo-ozpin Perrexil txikitua Gatza Errezeta Gatza bi aldeetatik eman eta padera batean jarriko …
