San Blas opila, Teresarena
- Errezeta
- Bidali iruzkina
San Blas opila, Teresarena –
Osagaiak
- Kg 1 irin
- Kilo erdi azukre
- 150 g txerri gantz edo koipe
- 8 arrautza (bi zuringo aparte utzirik)
- 7-8 tanto anis esentzia
- Legamia, zorro txiki bat edo gaseosa freskagarriak egiteko erabiltzen den horietako bat (aukeran, ez da guztiz beharrezkoa).
Errezeta
Zazpi koilarakada azukre eta bi zuringoak ez besteko guztiak nahasi ongi orea lortu arte. Mahai baten gainean, orea zapal zapal egin botila baten laguntzaz edo. Ez ahaztu irin apur bat jartzea mahaiaren gainean, bestela dena kolatuko zaigu eta. Ore horretatik, pala baten tamainako opilak aterako ditugu eta ertzetan koskak egingo dizkiegu edo dauden-daudenean utzi, nork bere aukeran. 200º-tan dagoen labean sartu 25-30 minutuz.
Bitartean, bainu marian jarri dugun katilu batean, bi zuringoak eta zazpi koilarakada azukre nahasiko ditugu, geratu gabe. Azukrea ongi nahasi denean, ontzia berotik atera eta ordu laurdenez edo joko dugu indarrez, apur bat gorpuztu dadin.
Labekoak atera eta hozten utziko ditugu, baina oraindik epel daudelarik gainetik igurtziko ditugu zuringoekin, San Blas opilen zuritasun berezko hori eduki dezaten. Bedeinkatu eta kito. Opilak kartoizko kutxa batean gorde, edo azpil batean, zapi garbiz estalirik.
San Blas opila, Teresarena
Paquerette fruitu pastela
Osagaiak 4 koilarakada irin 4 koilarakada azukre-hauts Arrautza handi bat edo 2 txiki Koilarakada bete ur Koilaratxokada esnegain urtu Ximiko bat legamia-hauts Banana bat Udare bat Gatza, pixka bat Errezeta Gurin eta irinez igurtziko dugu …
Merlenka pastela
Osagaiak Kg bat merlenka hezurrarekin, erdiko trunkoa esate baterako, garbi eta ezkatarik gabe 2 tipulin, pikatuak Porru baten zuria, pikatua 2 baratxuri ale Oliba olioa Xorta bat brandy Litro laurdena esnegain urtu 8 arrautza, joak …
Masusta clafoutis pastela
Masusta clafoutis pastela – Osagaiak 250 g masusta 3 arrautza 5 koilarakada azukre 130 g esnegain lodi edo, hura ezean, urtu Koilarakada bete uxuala, edo masustekin onduriko edari biziren bat Masusta clafoutis pastelak Errezeta Arrautzak, …
Andere-mahats clafoutis pastela
Osagaiak 250 g andere-mahats, aletuak 3 arrautza 5 koilarakada azukre 130 g esnegain lodi edo, hura ezean, urtu Koilarakada bete uxuala Errezeta Arrautzak, azukrea eta gorringoak nahasiko ditugu gopor batean. Nahastura leun eta krematsu egotean …
Tarta orea
Osagaiak 250 g irin 150 g gurin, pomadan 95 g azukre-hauts 30 g arbendol-hauts Arrautza bat Gatz pixka bat Bainila leka erdi baten barruko aleak Errezeta Irina eta azukre-hautsa bahetuko dugu lehenik. Gopor batean, eskuz …
