Likore pontxea
- Errezeta
- Iruzkin 1
Likore pontxea –
Osagaiak
- Kg bat azukre
- Botila bat cointreau
- Litro laurdena ron zahar
- Litro laurdena benedictine
- 4 laranja, puskatan
- 4 sagar, puskatan
- 4 banana, xerratan
- Mahats mordo eder bat, aletua
- 2 udare, puskatan
- 4 aran, hezurrik gabe eta zurituak, puskatan
- Meloi erdia, dadotan moztua
- 3 mertxika, zurituak eta puskatan, naturalak edo almibarrean
- 2 limoi oso, azalarekin, ataletan moztuak
- 4 botila ardo zuri (txakolin on bat ere izan daiteke)
- 6 botila cava edo champagne brut, oso hotza
- Izotza, ugari eta koskor loditan.
….
Errezeta
- Beratzen utziko ditugu gai guztiak cointreauan, ronean eta benedictinean, betekada baino 24 ordu lehenago, lurrezko tina handi batean edo xanpaina-ontzi izugarri batean edo ahal dugun tokian nahasiak. Fruta ere bestelakoa izan daiteke, merkatuaren eta norberaren gustuen arabera, angurriak, mandarinak, kakiak, eta abar.
- Koadrilako lehen lagun xaharrak hartu baino lehentxeago, ardo zuria, cava eta izotza gehituko ditugu eta biraka nahasi, nahastea dastatu eta parrandan hasiko gara.
…
Kasu!
Errezeta honek badu gauza on bat, goizeko seietarako mokoiloa kristorena da, sekulakoa, eta gosea ere berebizikoa. Jendeak hondoko fruta-puskak jango ditu, beste erremediorik gabe, ahitu egingo baitira ordurako soberan geratu diren pintxoak eta patata tortilla idorra.
Errezeta honen araberako kopuruak egundainoko oturuntza baterako dira. Bukaera hoberena opa dizuet nik guztioi. Gozatu!
Likore pontxea
Iruzkina bidali
Gabon konpota
Gabon konpota – Osagaiak 2 l ur Litro bat ardo beltz, ona 400 g azukre Kanela, ezpal bat Litro laurdena mertxika-zati lehor Litro laurdena aran pasa Litro laurdena piku lehor Litro laurdena mahaspasa . . …
Banana tarta mahaspasekin
Banana tarta mahaspasekin – Osagaiak Tarta molde bat, labean berotutako masa hautsi fin-finaz estalia, hotza 5 banana, zurituak, dadotan moztuak Korintoko mahaspasak, eskutada bat (sobera lehor baleude, zenbait orduz eduki beratzen Calvados-etan) Zurrusta bat Calvados …
Diana fruitu trikua
Diana fruitu trikua – Osagaiak Madari bat Mahats batzuk Bi dilista Diana fruitu trikua Errezeta PRESTAKETA: 1. Lehenengo , mahatsak separatu eta garbitu behar dira. 2. Hartu zotzak eta mahatsak gurutzatu erditik. 3. Hartu madaria …
Sagar, udare eta bainila konpota
Sagar, udare eta bainila konpota – Osagaiak 6 sagar 6 udare 10 koilarakada ur Bainila adaxka bat, ireki eta aletua Limoi baten zukua Errezeta Sagarrak zuritu eta puska irregularretan zatituko ditugu lehenik, barneko zuztarra kenduta. …
Andere-mahats clafoutis pastela
Osagaiak 250 g andere-mahats, aletuak 3 arrautza 5 koilarakada azukre 130 g esnegain lodi edo, hura ezean, urtu Koilarakada bete uxuala Errezeta Arrautzak, azukrea eta gorringoak nahasiko ditugu gopor batean. Nahastura leun eta krematsu egotean …
[…] etxe-festa-parrandetarako RZ bat dakarkizugu, pontxea. Lehenik zera adierazi, RZren izena berez Likore Pontxea dela, beraz argi ibili eta burua erabili!, eta bestetik zera, alkoholik gabe edo gutxirekin ere […]