Zerbak urdaiazpikoarekin
- Errezeta
- Bidali iruzkina
Zerbak urdaiazpikoarekin
Osagaiak
- Xorta bat zerba
- 4 patata eder
- 7 koilarakada oliba olio
- 4 baratxuri ale
- Urdaiazpikoa, dadotan edo xerra oso finetan moztua
- Gatza
Errezeta
Zuritu eta puska ertainetan zatituko ditugu patatak. Orri-mamiak hosto berdeetatik bereiziko ditugu ondoren. Orri-mamiei hariak kendu eta 5 zm-ko puskak egingo ditugu. Hosto berdeak hainbat uretan garbitu eta zerrenda luzetan zatituko ditugu labanaz. Gatza ur ugaritan bota eta hartan jarriko ditugu egosten patatak eta zerbaren orri-mamiak. 20 minutuan edukiko ditugu egosten, su ezti-eztian, patatak eta orri-mamiak xamurtu eta labanaren ahoari eutsiko ez dioten arte. Egoste denborarako 5 minutu falta direla, zerbaren hosto berdeak erantsiko ditugu, patatak eta orri-mamiak baino lehenago egosten baitira. Xukatu eta kazola berean ipiniko ditugu berriro barazkiak.
Padera batean, olioa eta baratxuriak ipiniko ditugu frijitzen. Baratxuriak ongi gorritu ondoan, kazolan utzi ditugun barazkien gainean zabalduko ditugu olioarekin batean. Padera berriro su gainean jarri eta hartan eztituko dugu urdaiazpikoa, dadotan edo xerratan, ez ordea gehiegi, gazi ez dadin. Puskak zerben gainetik banatu ondoren, kontu handiz nahasi eta berehala mahairatuko dugu platera. Hoztuz gero, minutu batzuetan eduki ahal izango dugu mikrouhinetan.
Zerbak urdaiazpikoarekin
Piper berde eta urdaiazpiko ogitartekoa
Piper berde eta urdaiazpiko ogitartekoa – Osagaiak Opil bat, bitan irekia Piper berde eder bat, txortenik eta hazirik gabe, zerrenda luzetan moztua 4 xerra mehe urdaiazpiko serrano Gatza eta oliba olioa Piper berde eta urdaiazpiko …
Amuarrain frijituak urdaiazpikoarekin
Amuarrain frijituak urdaiazpikoarekin Gaur egunean ez dago erraza errekako amuarrainak lortzea, baldin eta inguruan ez baduzu lizentziadun arrantzaleren bat. Beraz, hazitegikoekin konformatu behar. Hori bai, saia zaitez beti ahalik eta freskoenak lortzen, erraz ikusiko duzu …
Tomate, urdaiazpiko egosi eta arrautzopil frantses ogitartekoa
Osagaiak Opil bat, bitan irekia baina aldeak erabat bereizi gabe, liburu baten antzera 3 xerra eder urdaiazpiko egosi Tomate bat, umoa Zorrotada bat oliba olio 2 arrautza, joak Gatza Errezeta Arrautzak jo, gatz pixka bat …
Kuiatxoak urdaiazpikoarekin salteatuta
Osagaiak 5 kuiatxo eder Urdaiazpiko xerra lodi bat, dado txikitan moztua Baratxuri ale bat, xehatua Tipulin bat, pikatua 6 koilarakada oliba olio Gatza *Lau pertsonentzat Errezeta Uretan garbituko ditugu kuiatxoak eta bi muturrak kenduko dizkiegu …
Urdaiazpiko egosiaren arrautzopila
Osagaiak 2 koilarakada oliba olio Perrexil hostoak (eskutada eder bat), nolanahi pikatuak Urdaiazpiko egosia, 4 xerra lodi, dadotan moztuak 8 arrautza Gatza Errezeta Zartaginean, koilarakada bat oliotan, su bizian, urdaiazpiko egosiaren dadoak salteatuko ditugu istant …
