Kuiatxoak urdaiazpikoarekin salteatuta
- Errezeta
- Bidali iruzkina
- Antzeko errezetak
Osagaiak
- 5 kuiatxo eder
- Urdaiazpiko xerra lodi bat, dado txikitan moztua
- Baratxuri ale bat, xehatua
- Tipulin bat, pikatua
- 6 koilarakada oliba olio
- Gatza
*Lau pertsonentzat
Errezeta
Uretan garbituko ditugu kuiatxoak eta bi muturrak kenduko dizkiegu ondoren. Bitan moztuko ditugu, luzeran, eta xerra fin mehetan erdi bakoitza, txanpon erdiak balira bezala. Gaiak itsasten ez diren padera edo kazola zabal batean, 4 koilarakada olio, tipulina eta baratxuria ipiniko ditugu. Su eztian jarri ondoan, 20 bat minutuan utziko ditugu gaiak gozatzen, kolorea hartzen utzi gabe. Xamur gelditu behar zaigu tipulina. Urdaiazpiko dadoak erantsi eta segundo batzuetan edukiko ditugu, desegiten hasi arte. Plater batera aterako dugu guztia.
Sua bizi-bizi jarri eta lehengo ontzi berean jarriko dugu gainerako olioa berotzen. Kea sortzen hasi orduko erantsiko dugu kuiatxoa, gatz pixka batekin eta salteatzen utziko ditugu xerrak, barazkia leun eta gogortxo, txigortu xamar izan ere, gelditu arte. Bizkor eragingo diogu kazolari noizean behin. 10 bat minuturen buruan, kuiatxo xerrekin batean ipiniko ditugu tipulina, baratxuria eta urdaiazpiko dadoak, lehenago salteatu ditugunak, eta biraka eta iraulka erabiliko ditugu ondoren, gai guztiak ongi nahas daitezen. Mahairako prest egongo da orduan jakia.
Hornidura bikaina izan daiteke, baita oso barazki plater gustagarria ere. Gainera, arrautza joak erantsiz gero, arrautza nahaski edo opil bat egin dezakegu edo, arroz ale batzuk eta salda gaineratuz gero, kuiatxo arroz bikain bat.
Zerbak urdaiazpikoarekin
Zerbak urdaiazpikoarekin Osagaiak Xorta bat zerba 4 patata eder 7 koilarakada oliba olio 4 baratxuri ale Urdaiazpikoa, dadotan edo xerra oso finetan moztua Gatza Errezeta Zuritu eta puska ertainetan zatituko ditugu patatak. Orri-mamiak hosto berdeetatik …
Porru eta urdaiazpiko entsalada
Osagaiak 16 porru ertain Ura eta gatza Urdaiazpikoa (iberikoa bada, hobe), 16 xerra mehe-meheak Oliba olio birjina, 8 koilarakada 2 koilarakada ozpin Perrexil xehatua Gatza eta piperbeltz eho berria *Lau pertsonentzat Errezeta Porruei bizarrak kendu …
Barazki pistoa
Barazki pistoa – Osagaiak Tipulin bat, txiki-txiki egina 8 baratxuri ale, osorik, zuritu gabe Oliba olio birjina, 10 koilarakada 2 kuiatxo dadotan moztuak 2 pipermorro gorri, dadotan moztuak 2 piper berde, dadotan moztuak 2 alberjinia …
Kuiatxoak bakailaoz beteta
Osagaiak Bakailao errezeta bat, ajoarrieroa 4 kuiatxo handi 4 koilarakada oliba olio Gatza *Lau pertsonentzat Errezeta Kuiatxoak garbitu eta lehortuko ditugu. Luzetara moztu bitan, eta koilaratxo baten laguntzaz hustu egingo ditugu, kontu handiz, haragi pixka …
Tipula eta urdaiazpiko tarta
Osagaiak Tarta molde bat, labean berotutako masa hautsiaz edo hostore masaz estalia 5 tipula ertain, xerratan moztuak 3 koilarakada oliba olio Baratxuri ale bat, txikitua Urdaiazpikoa, dadotan moztua, eskutada bat Baso txiki bat esnegain likido …