Patatak labean gurin eta baratxuriarekin
- Errezeta
- Bidali iruzkina
Osagaiak
- 10 patata handi
- Oliba olio pittin bat
- 2 baratxuri-buru, azal eta guzti
- ezkai adaxka 1
- 150 g gurin
- Gatza
Errezeta
Patatak zuritu eta zati loditan moztu, luzetara. Patata bakoitza gutxi gorabehera, lodieraren arabera, 8 zati egingo dugu. Uretan pasa almidoia kentzeko, eta lehortu. Zartagin ongi berotu batean, oliba olio pittin bat jarri eta su bizi-bizian salteatu, kolorea emateko justu-justu, gero labean egiteko baitira. Ongi gorritu, baina barnetik gogor daudelarik, laberako moduko erretilu batean jarriko ditugu; gatza eman eta gainetik bota bi baratxuri-buruen aleak, azal eta guzti, ezkai adaxka eta gurina dadotan. Kontuan hartu beharrekoa da patata guztiek ukitu behar dutela erretiluaren hondoa; ez daitezela elkarren gainka egon, ongi erre daitezen.
30 minutuz labean eduki 200 graduan, erdi eginik daudenean koipeaz busti, koilara bat erabiliz. Erretiratu, epeltzen utzi, eta erreki baten hornigai gisa jan, esate baterako. Sutatik ateratakoan, nahi izanez gero, perrexila ere badago gehitzea, gehiegi txikitu gabe.
Epeltzen utzi, errekiaren gurina xurgatu eta olio-puntu bat izan dezaten. Labean sartu dugun erretilu bera erabil dezakegu zerbitzatzeko, aurretik baratxuri erreen mamia bildu eta hornigaiari erantsirik.
Patatak labean gurin eta baratxuriarekin
Barazki pistoa
Barazki pistoa – Osagaiak Tipulin bat, txiki-txiki egina 8 baratxuri ale, osorik, zuritu gabe Oliba olio birjina, 10 koilarakada 2 kuiatxo dadotan moztuak 2 pipermorro gorri, dadotan moztuak 2 piper berde, dadotan moztuak 2 alberjinia …
Zurrukutuna (baratxuri zopa bakailaoarekin)
Zurrukutuna (baratxuri zopa bakailaoarekin) Osagaiak 200 bakailao gazi, papurtua Zopako ogia, zati handi bat 15 koilarakada oliba olio Baratxuri-buru bateko aleak, banaturik Bi koilarakada piper-mami, kontserbakoa Tomate saltsa, 4 koilarakada handi Ur beroa, litro erdia …
Patatak, gurin harrotua eta izokin ketua entsaladan
Osagaiak 8 patata ertain Baratxuri-buru bat Porru puska bat Piperbeltza, 3 ale Izokin ketua, 8 xerra eder 5 koilarakada ur 150 g gurin Tipulina, eskutada bat, perrexila eta ezamihilua Limoi baten zukua Gatza eta piperbeltza …
Patata arranditsuak
Osagaiak Kilo bat patata, zurituak eta zentimetro bat lodiko xerratan moztuak 2 tipulin txiki 2 baratxuri ale Azafrai naturala, 4 izpi Perrexil hostoak, eskutada bat Baso bete ur Ardo zuria, baxoerdi bat Arrautza irabiatua eta …
Zorroko patata purea nola konpondu
Osagaiak Zorroko patata purea Esnea Esnegaina Gatza Piperbeltza Errezeta Zorroko patata-pure bat konpontzeko, ez egin kasurik sekula paketean fabrikatzaileak dioenari, behin ere ez. Esaten duten ur kopuruaren ordez, esnea edo esnegain likidoa jarri, erdi eta …
