Xapo errea baratxuri-olioarekin
- Errezeta
- Bidali iruzkina
Xapo errea baratxuri-olioarekin –
Osagaiak
- Xapo eder bat edo bi ertain, 4 lagunentzat, azalik, alboko hezurrik eta errairik gabe
- Baso erdia ardo zuri
- 6 koilarakada oliba olio
- 4 baratxuri ale, xaflatan
- 3 koilarakada sagardo-ozpin
- Perrexil xehatua
- Gatza
Errezeta
Gatza eman eta labeko erretilu batean paratuko dugu xapoa. Ardo zuria eta oliba olio pixka bat isuriko dugu ondoren. Aldez aurretik 180º-tan berotutako labean sartuko dugu, eta hantxe edukiko dugu 25 bat minutuan. Arrainaren zukuaz garaztatuko dugu aldiro-aldiro xapoa, alde mamitsuak erdiko hezurretik aise askatzeko moduan daudela ikusi arte. Heze egongo da beti erretiluaren hondoa, eta ura erantsiko dugu ardoa lurruntzen bada. Egizu kontu kilo bakoitzeko 15 bat minutu egin behar dituela arrainak labean.
Bukaera aldean, xapoa ia erre denean, zartagin batean olioa su bizian berotu eta baratxuri xerrak gorrituko ditugu hartan. Txigortu direnean, sagardo-ozpina eta arrain errearen zukuaren parte bat gaineratu eta irakiten edukiko dugu guztia segundo batzuetan. Erne zipriztinekin! Perrexila erantsi eta baratxuri-olio hori garaztatuko dugu erretiluan hezurrik gabe edukiko ditugun xapo solomoen gainean. Mahaira beldurrik gabe!
Xapo errea baratxuri-olioarekin
Xapo gibela tipularekin
Xapo gibela tipularekin Osagaiak Kg bat xapo gibel, gordinik Ximiko bat irin 6 tipula, zerrenda mehetan moztuak 4 baratxuri ale Oliba olioa Xorta bat ardo zuri Gatza Errezeta Xapo gibelaren azalean ziztada arin batzuk …
Xapo errea txirlekin
Xapo errea txirlekin – Osagaiak Xapo eder bat edo bi ertain, 4 lagunentzat, azalik, alboko hezurrik eta errairik gabe Baso erdia ardo zuri 7 koilarakada oliba olio 6 baratxuri ale, xaflatan 4 koilarakada sagardo-ozpin Kg …
Xapoa satsa amerikarrean
Xapoa satsa amerikarrean – Osagaiak 4 xapo zati, hezurrarekin, 350 g bakoitzak 3/4 litro saltsa amerikar 16 otarrainxka, zurituak Xorta bat brandy edo armagnac Oliba olioa eta gurina Gatza Xapoa satsa amerikarrean Errezeta Gatza emango …
Xapo egosia
Xapo egosia Osagaiak 4 xapo tronkotx edo domina eder, azalik gabe eta garbi 2 tipulin, zurituak 4 porro txiki garbi 4 patata ertain 4 azenario, zurituak 2 eskukada leka, harrik gabe eta luzeran bitan moztuak …
Xapo matrailak saltsa berdean patatekin
Xapo matrailak saltsa berdean patatekin – Osagaiak Xapo matrailak, garbiak, hexurrak-eta kenduta, 1 kg 10 koilarakada oliba olio Baso erdi bat ardo zuri Arrain salda edo ura 2 baratxuri ale, txikituak Perrexil txikitua Patata txiki …
