Txerri saiheskiak labean erreta baratxuri, perrexil eta ziapearekin
- Errezeta
- Bidali iruzkina
Osagaiak
- Txerri saiheskia, 4 puska eder
- 2 baratxuri ale, pikatuak
- Perrexila, zerrendatan moztua
- Xorta bat oliba olio
- Xorta bat limoi zuku
- Koilarakada bete ale-ziape
- Xorta bat ozpin
- Xorta bat ardo zuri
- Ura eta gatza
*Lau pertsonentzat
Errezeta
Gatza oparo eman eta oliba olio, baratxuri xehatu eta limoi zukuaz igurtziko ditugu saiheskiak. Erretilu batean paratuko ditugu ondoren, haragi aldea hondoan, eta gutxienez baso bete ur eta xorta bat ardo zuri isuriko ditugu haien gainetik. Erretilua aurrez 200º-tan beroturiko labe batean sartu eta 25 bat minutuan edukiko dugu saiheskia erretzen. Haien ondoan, irauli, hondoko zukuaz bustia eta guztiz erreko dugu saiheskia, labean beste 20 bat minutuan edukita, ongi txigortu arte. Bere zukuaz bustiko dugu tarteka-marteka haragia, ongi gorritzeko. Sekula ez dugu hondoa lehor edukiko; ur edo ardo gehiago erantsiko dugu, behar izanez gero.
Saiheskia erretilu batean ipini eta gero, eltze batean jarriko dugu berotzen hondoko zukua. Irakiten hasi orduko erantsiko ditugu ziapea, ozpina eta perrexil ugari. Ongi nahasiko dugu ondoren guztia. Gatza eman eta haragiaren gainetik garaztatuko dugu.
Txerri mingainak entsaladan
Osagaiak 8 txerri mingain garbi Baratxuri-buru bat Porru bat, osorik Tipulin bat, osorik Oliba olioa Oliba olioa birjina Ura eta gatza 2 eskarola garbi Baratxuri ale bat, pikatua Allioli edo griviche saltsa ugari *Lau pertsonentzat …
Txerri muin irin-arrautzeztatuak
Osagaiak 8 txerri muin egosi Gatza Irina eta arrautza joa Oliba olioa, frijitzeko *Lau pertsonentzat Errezeta Bitan zatituko ditugu muinak, bi hemisferioak errespetatuz. Gatz pixka bat eman eta irin-arrautzatan pasa ondoan, oliba olio ugaritan frijituko …
Tomate entsalada zerri-buruarekin
Tomate entsalada zerri-buruarekin – Osagaiak 4 tomate heldu Basurde buru xerra on bat, dadotan 2 koilarakada sagardo-ozpin Oliba olio birjina, 8 zopa-koilarakada Gatza … Errezeta Kendu zurtoina tomateei eta, kontu handiz, labana zorrotz batekin, azala …
Txerri azpizunak erreta
Osagaiak 3 edo 4 txerri azpizun, osoak eta erdi tamainakoak 4 baratxuri ale, osorik Baso erdia ardo zuri Ezkaia, adaxka bat Oliba olioa Baso erdia salda edo ur Gatza *Lau pertsonentzat Errezeta Gatza eman ondoren, …
Txahal saiheskiak saltsan
Osagaiak 2 kg txahal saiheski, zatitua 4 baratxuri ale, pikatuak 2 porru, pikatuak 2 tipulin, pikatuak 8 koilarakada tomate saltsa Baso bete ardo zuri Oliba olioa Litro bat salda edo ur Gatza Errezeta Oliba olioa …
