Txahal txuleta paderan egina ziapearekin
- Errezeta
- Bidali iruzkina
Txahal txuleta paderan egina ziapearekin –
Osagaiak
- 4 txahal txuleta, ederrak, 800 g ingurukoa bakoitza
- Oliba olio pixar bat
- 4 koilarakada eder ale-ziape
- Gatza
Txahal txuleta paderan egina ziapearekin
Errezeta
Giroko tenperaturan utziko dugu txuleta, ordu batzuetan, erre aurretik. Olio pixar bat berotuko dugu padera zabal batean. Kea ateratzen hasten denean, txuleta ipiniko dugu hartan eta su bizian utziko dugu ongi gorritu arte. 2 minutu igaro ondoren, buelta emango diogu, beste 2 minutuan beste aldea, gorri dadin.
Sutatik atera eta pausatzen utziko dugu 10 minutuan erretilu bero batean, aluminio-paperez estali ondoan. Padera garbitu eta su bizian ipiniko dugu beste olio pixar bat isuri ondoren. Ongi berotu denean, txuleta ipiniko dugu hartan eta egiten utziko dugu, minutu batean alde bakoitzetik, berriro ere karamelu bihurtu eta barrutik bero gera dadin.
Ohol baten gainean zatituko ditugu txuletak: labana batekin hezurra haragitik bereizi eta koipea eta erretako aldeak kenduko ditugu ondoren. Jateko momentuan zatitu egingo dugu txuleta puska lodietan, eta orduantxe emango diegu gatza puskei, ez lehenago. Hezurrari atxikitako haragia izaten da gozoena: argudio bikaina, alajaina, “eskuz” garbitzen segitzeko. Entsalada berde batekin aterako dugu mahaira, ale-ziapearekin ongi igurtzia.
Txahal txuleta paderan egina ziapearekin
Txahal biribilkia presio-eltzean maneatua
Txahal biribilkia presio-eltzean maneatua – Osagaiak Txahal biribilki bat, lotua eta ertzetako muturrik gabe beharbada, eltzean sar dadin 4 tipula eder, zati handitan moztua Baso bete ardo zuri Gatza eta piperbeltza Oliba olioa Txahal biribilkia …
Txahal arandoiak salteatuta
Txahal arandoiak salteatuta – Osagaiak Kilo bat txahal arandoi, garbi-garbiak, azalik gabe Oliba olioa Gurin pittin bat 3 baratxuri ale, pikatuak Perrexil xehatua Gatza Txahal arandoiak salteatuta Errezeta Gatza eman eta ura oparo jarriko dugu …
Txahal enpanadatxoak
Txahal enpanadatxoak – Osagaiak 20 disko ore, enpanadatxoak egiteko Tipulin bat, pikatua 3 baratxuri ale, pikatuak 3 koilarakada oliba olio 600 g txahal haragi, txikitua –ahal izanez gero gizen-zain askorekin– 15 koilarakada tomate saltsa Perrexil …
Txahal gibela kaparrekin
Txahal gibela kaparrekin – Osagaiak Kilo bat txahal gibel, xerratan moztua, erdi tamainako xerrak 2 tipula, zerrenda mehetan zatituak 4 baratxuri ale 2 eskukada kapar, ozpinetan Oliba olioa 2 limoiren zukua Gatza Txahal gibela kaparrekin …
Txahal bihotza ardo beltzaren saltsan
Txahal bihotza ardo beltzaren saltsan – Osagaiak Txahal bihotz bat Azenario bat 2 porru Piperbeltza, eskukada bat 2 tipula 8 baratxuri ale, pikatuak Ardo beltza, botila bat Perrexila, eskukada bat 2 l ur Haragi salda …
