Tomateak hegaluzez beteta allioli saltsarekin
- Errezeta
- Bidali iruzkina
- Antzeko errezetak
Osagaiak
- 8 tomate heldu, ertainak eta trinko-trinkoak, betetzeko
- Hegaluzea oliotan, ongi hautatua, 8 zati eder
- Tipulin bat, xehatua
- Baratxuri ale bat, xehatua
- Perrexil xehatua
- Oliba olio birjina, 2 koilarakada
- Allioli saltsa, 16 koilarakada
- Gatza
Errezeta
Zurtoina fruituari itsatsia badago, ez mototsa kendu, politagoak geldituko baitira tomateak labetik pasatu eta gero. Bestetik, tomateei azpialdean egin ebaki bat, gurutze tankeran. Jarri ura suelto irakiten eta borborka hasten denean sartu tomateak, sail txikitan, eta eduki ur irakinetan segundo batzuez. Berehala sartu ur izoztuan, freskatzeko. Tomate guztiak uretatik pasatakoan edo galdostutakoan (sukaldari saritu batek esango lukeen bezala) azala kendu eta goiko aldean ebaki bat egin, txapela moduko bat kentzeko. Koilara txiki batekin, edo, aski ez bada, labana zorrotz batekin, barnealdea hustu, eta betetzeko hutsune bat utzi. Kendutako mamia gorde beste zeregin batzuetarako (tomate saltsa egiteko, konparazio batera, edo betegarriari gehitu, bakoitzak zer nahi) eta tomateen barnealdea gozatu, gatz pittin batekin.
Gopor batean hegaluzearen xaflak askatu, gehiegi ez puskatzen saiatuz, jatean geruzak sumatzeko moduan, eta gehitu tipulina, baratxuria, perrexil xehatua eta oliba olio birjina. Tomate mami xehatua gehitu nahi badiogu, aurrera. Zuzendu gatz puntua. Hor dugu betegarria.
Tomateen azpialdean, allioli koilarakada bat jarri eta haren gainean hegaluze gobernatua. Tomateak beteta daudenean, bota gainera beste koilarakada bat allioli eta jarri txapelak. Tomateen gainera oliba olio birjinaren hari bat isuri eta mahaira.
Tomate entsalada
Osagaiak 5 tomate heldu Oliba olio birjina, 8 zopa-koilarakada Gatza *Lau pertsonentzat Errezeta Kendu zurtoina tomateei eta, kontu handiz, labana zorrotz batekin, azala kendu, fruitua bere mami gorriarekin geldi dadin. Azala bazterrera. Tomateari azala kenduz …
Tomateak hegaluzez beteta romesko saltsarekin
Osagaiak 8 tomate heldu, ertainak eta trinko-trinkoak, betetzeko Hegaluzea oliotan edo ozpinetan, ongi hautatua, 8 zati Tipulin bat, xehatua Baratxuri ale bat, xehatua Perrexil xehatua Oliba olio birjina, 2 koilarakada 16 koilarakada romesco saltsa Gatza …
Hegaluzea plantxan baratxuri eta olioarekin
Hegaluzea plantxan baratxuri olioarekin – Osagaiak 4 hegaluze solomo, hezur eta azalik gabe, 220 g bakoitzak 6 koilarakada oliba olio 4 baratxuri xister, zerrendatan moztuak 3 koilarakada sagardo-ozpin Perrexil txikitua Gatza Hegaluzea plantxan baratxuriarekin Errezeta …
Arroz eta hegaluze pastel hotza
Osagaiak Kg erdia arroz zuri, egosia 300 g hegaluze, kontserbakoa eta xukatua 250 g tomate saltsa hotz 250 g maionesa hotz 6 pikillo piper, zerrendatan moztua 2 eskukada oliba beltz eta berde, hezurrik gabe Errezeta …
Pasta bolognesa
Pasta bolognesa Osagaiak Tipulin bat, txiki-txiki egina 3 baratxuri ale, txiki-txiki eginak 3 koilarakada oliba olio Haragi pikatua, 600 g (txerrikia, behikia edo txahalkia, gizena ere baduena xamurragoa izan dadin) Tomate saltsa, litro laurdena Perrexil …