Tipula potxatua mahaspasekin
- Errezeta
- Bidali iruzkina
Osagaiak
- 2 kg tipula, zerrenda mehetan moztua
- 15 koilarakada oliba olio
- Gatza
- 10 koilarakada mahaspasa, xukatuak, xamurrak eta hazirik gabe, eta uretan edo, hobe, moskatel edo ardo goxoan beratuak
*Lau pertsonentzat
Errezeta
Oliba olioa eta tipula pikatua ipiniko ditugu kazola zabal batean. Su bizian jarriko dugu ondoren kazola, zurezko zaliari eragiteari utzi gabe. Gatz pixarra emango diogu ondoren. Tapatu egingo dugu ondoren kazola. Kontuz ariko gara, hondoak tipulari heldu ez diezaion, karamelatu eta arian-arian ilunduz joatea baita gure helburu. 35 bat minutuan ariko gara gisa honetan. Haien ostean, sua apaldu eta, kazola estalita betiere, ezti-ezti edukiko dugu tipula gozatzen, tipula gero eta gorriago, gero eta ilunago, gera dadin. Beste 90 minutuan edukiko dugu gisa horretan. Taparik gabe edukiko dugu azken 20 minutuetan, ontziaren hondora bildutako zukua lurrun dadin.
Epe honen ondoan erantsiko ditugu mahaspasak. Gaiak ongi nahasi eta 5 bat minutuan utziko dugu egosten guztia, mahaspasak tipularen zukuan ongi busti daitezen. Gatz pixka bat erants dezagun, behar izanez gero.
Hornidura oso mamitsua da tipula hau pate bati laguntzeko, esate baterako, edo pasta egosia edo arroz zuri egosia hartan salteatzeko. Bakailao edo haragi egosi pixarrak ere erants dakizkioke: betegarri bikainak edukiko ditugu horrela enpanadak edo enpanadatxoak egiteko.
Hozkailuan, pote hermetiko batean ongi itxita edukiz gero, behar izatean erabili ahal izango dugu.
Pixtatxo krema
Osagaiak 150 g krema 150 g txokolate zuri Gelatina orri bat 9 koilarakada pistatxo ore berdea 375 g esnegain likidoa Errezeta Ontzi batean Maria bainuan nahasiko ditugu txokolate zuria eta pistatxo orea, krema bat lortu …
Luisa gazta tarta
Luisa gazta tarta – Osagaiak 100 g gurin guri, pomadan 450 g azukre-hauts 100 g pastel-irin ahul Ximiko bat legamia-hauts Kg bat gazta zuri, joa eta giroko tenperaturan (fromage blanc battu) 3 koilarakada bete irin …
Baratxuriak edo tipulak nola zuritu mikrouhinetan
Baratxuriak edo tipulak nola zuritu mikrouhinetan – Beharrezkoak Plater bat Teknika/Errezeta Batzuetan ez da modurik izaten baratxuri ale bat edo hornigai gisako tipula txiki bat behar den bezala zuritzeko. Ongi zuritzeko modu bat hauxe dugu: …
Tipulatxen ozpin-olioa
Osagaiak Litro erdia oliba olio birjina 20 koilarakada sagardo-ozpin 4 tipulatx, zurituak eta pikatuak Baratxuri xister bat, pikatua Porru baten zuria, pikatua Piperbeltz eho berria eta gatza Errezeta Gopor batean nahasiko ditugu osagai guztiak, ozpina …
Saltsa bizkaitarra
Saltsa bizkaitarra – Osagaiak 1,1 kg tipula zuri, zerrenda mehetan moztua 1,1 kg tipula gorri, zerrenda mehetan moztua 3 baratxuri ale, osorik eta zurituak 3 ale piperbeltz 12 koilarakada oliba olio Urdaiazpikoaren hezurra, puska txiki …
