San Blas opila, Teresarena
- Errezeta
- Bidali iruzkina
San Blas opila, Teresarena –
Osagaiak
- Kg 1 irin
- Kilo erdi azukre
- 150 g txerri gantz edo koipe
- 8 arrautza (bi zuringo aparte utzirik)
- 7-8 tanto anis esentzia
- Legamia, zorro txiki bat edo gaseosa freskagarriak egiteko erabiltzen den horietako bat (aukeran, ez da guztiz beharrezkoa).
Errezeta
Zazpi koilarakada azukre eta bi zuringoak ez besteko guztiak nahasi ongi orea lortu arte. Mahai baten gainean, orea zapal zapal egin botila baten laguntzaz edo. Ez ahaztu irin apur bat jartzea mahaiaren gainean, bestela dena kolatuko zaigu eta. Ore horretatik, pala baten tamainako opilak aterako ditugu eta ertzetan koskak egingo dizkiegu edo dauden-daudenean utzi, nork bere aukeran. 200º-tan dagoen labean sartu 25-30 minutuz.
Bitartean, bainu marian jarri dugun katilu batean, bi zuringoak eta zazpi koilarakada azukre nahasiko ditugu, geratu gabe. Azukrea ongi nahasi denean, ontzia berotik atera eta ordu laurdenez edo joko dugu indarrez, apur bat gorpuztu dadin.
Labekoak atera eta hozten utziko ditugu, baina oraindik epel daudelarik gainetik igurtziko ditugu zuringoekin, San Blas opilen zuritasun berezko hori eduki dezaten. Bedeinkatu eta kito. Opilak kartoizko kutxa batean gorde, edo azpil batean, zapi garbiz estalirik.
San Blas opila, Teresarena
Marrubi clafoutis pastela
Marrubi clafoutis pastela – Osagaiak 250 g marrubi, lautan eginak handiak badira 3 arrautza 5 koilarakada azukre 130 g esnegain lodi edo, hura ezean, urtu Koilarakada bete uxuala, edo antzeko edari biziren bat … Errezeta …
Andere-mahats clafoutis pastela
Osagaiak 250 g andere-mahats, aletuak 3 arrautza 5 koilarakada azukre 130 g esnegain lodi edo, hura ezean, urtu Koilarakada bete uxuala Errezeta Arrautzak, azukrea eta gorringoak nahasiko ditugu gopor batean. Nahastura leun eta krematsu egotean …
Olearso bizkotxoa
Osagaiak Katilukada bat esnegain lodi (hura ezean, urtua) Limoi azal bat, birrindua Katilukada bat azukre 2 arrautza Katilukada bat eta erdi irin Zorrotada on bat anis Errezeta Gurinez eta irinez igurtziko dugu molde bat. Gopor …
Arraingorri pastela
Osagaiak 2 perloi edo arraingorri eder, garbi eta ezkatarik gabe 2 tipulin, pikatuak Porru baten zuria, pikatua 2 baratxuri ale Oliba olioa Xorta bat brandy 6 koilarakada tomate saltsa Litro laurdena esnegain urtu 8 arrautza, …
Banana plum cake
Banana plum cake – Osagaiak Kg erdi banana, helduak eta zurituak 175 g gurin guri 125 g irin 125 g azukre-hauts 2 arrautza Ximiko bat legamia-hauts Koilarakada bat ezti Gatza, ximiko bat Banana plum cake Errezeta …
