Poteko hegaluze edo atun tradizionala egosi gabe
- Errezeta
- Bidali iruzkina
Osagaiak
- Lehen mailakoa izango da hegaluzea, eta oso freskoa
- Kristalezko flaskoak garbi eta lehor egongo dira, uztai-itxituraz eta goma berriz hornituak.
- Oliba olioa erabiliko dugu (0,4º), batzuek eki-lore olioa ere erabiltzen badute ere
…
Errezeta
Burua moztu eta odol gatzatua kendu ondoren, ur zurrustaren azpian kenduko dizkiogu hegaluzeari erraiak. Mendrezka bereizi eta hegaluzearen 4 solomoak banatuko ditugu, azala eta hezurrak kenduta. 8 bat cm-ko puskatan (dauzkagun kristalezko poteen altuerakoak gutxi gora behera) zatituko ditugu ondoren 4 solomoak. Arrain-saltzaileak egin diezaguke hau guztia: gure sukaldea horretarako leku aproposena ez izateaz gainera, nekez edukiko ditugu etxean horretarako tresna egokienak. Labaina zorrotz batekin erretiratuko ditugu odol-beltzuneak solomoetatik. Azala eta hezurrak kenduko dizkiogu mendrezkari.
Olioa jarriko dugu ontzi bakoitzaren ondoan “esterilizatu eta goma berriz hornitu eta gero“, 2 cm-ko altuera iritsi arte. Sailka beteko ditugu flaskoak, solomoak batzuetan eta mendrezka beste batzuetan, bereiz. Ontziaren lepotik 4 bat cm-ko tartea utziko dugu bete gabe. Ez da komeni ontziak leporaino betetzea. Olioa erantsiko dugu ondoren, arraina osoro estali arte. 12 orduz edukiko ditugu flaskoak pausatzen hozkailuan “erne, gordinik dago-eta arraina!“, arraina ongi busti dadin. Epe horren ondoren, olio gehiago gaineratuko dugu hala behar duten flaskoetan, olioa arrainetik hatz bete gora geratu arte.
Ontziak itxi eta kazola handi zabal batean ordenatuko ditugu: zatar bat bilduko dugu haren hondoan, ontziak eta hondoak elkar uki ez dezaten. Urez estaliko ditugu ondoren flaskoak, lau bat hatz gainetik, eta su ertainean edukiko ditugu beratzen: 90 bat minutu ura irakiten hasi denetik. Ura epeldu ondoren erretiratuko ditugu flaskoak. Biharamunean, ordu erdian edukiko ditugu flaskoak berriro ere irakiten, kontserba egoki irmo dadin.
Ez dugu gatza ahantzi. Kontserba kontsumitzeko unean erants diezaiola norberak. Kontu astuna da arraina aurrez egosi beharra eta, alde batera utzi eta gero, mamitsuago dago hegaluzea. Leku ilun freskoan gordeko ditugu ontziak. Hiru hilabeteren buruan kontsumitu ahal izango dira. Egonezinen eskumenetik kanpo edukiko ditugu: zenbat eta pazientzia handiagoa orduan eta kontserba hobeagoa. Merezi du egotea.
Hegaluze tartarea
Osagaiak kg hegaluze edo hegalabur, azal eta hezurrik gabe, labanaz dado txikitan moztua 2 abokat heldu, dadotan moztua Tipulin bat, pikatua eta ondoren uretan garbitua (iragazkian ongi xukatua) Perrexila, pikatua Pixar bat ziape 2 arrautza …
Hegaluzea eskabetxean
Osagaiak 1,5 kg hegaluze, garbi eta domina lodietan moztua (hobe isats aldekoak badira, samurragoak baitira) Irina eta frijitzeko olioa 2 tipulin eder, zerrendatan moztuak Porru bat, xerratan 8 baratxuri xister, osorik Erramua, hosto fresko bat …
Hegaluzea (edo hegalaburra) tomatetan
Hegaluzea (edo hegalaburra) tomatetan Uda betea denean izaten da gurean tunidoen kanpaina. Itsas-herrietan haren usaina sumatuko duzu eguzki-egunetan: erreta edo marmitakoan jarrita, ia beti. Baina ugariak dira hegaluzea (eta hegalaburra) prantatzeko erak. Esan dezagun, hala …
Tomateak hegaluzez beteta allioli saltsarekin
Osagaiak 8 tomate heldu, ertainak eta trinko-trinkoak, betetzeko Hegaluzea oliotan, ongi hautatua, 8 zati eder Tipulin bat, xehatua Baratxuri ale bat, xehatua Perrexil xehatua Oliba olio birjina, 2 koilarakada Allioli saltsa, 16 koilarakada Gatza Errezeta …
Hegaluzea perretxiko saltsan
Osagaiak 4 hegaluze solomo lodi, hezur eta azalik gabe, 220 g bakoitzak Ximiko bat irin Tipulin bat, zerrenda mehetan moztua 2 eskukada perretxiko garbi, xerratan moztuak (barrengorriak, onddoak, perretxikoak) 2 baratxuri ale Oliba olioa 2 …
