Piper berdeen saltsa
- Errezeta
- Bidali iruzkina
Piper berdeen saltsa –
Osagaiak
- Tipula bat, zerrendatan moztua
- Haragi salda kontzentratua, mutur bat
- 6 piper berde garbi, zerrendatan moztuak
- Albahaka hosto handi bat
- 2 baso bete ur
- Oliba olioa
- Esnegaina
- Gatza
Errezeta
Tipula, zerrendatan moztua, piperrak eta olioa ipiniko ditugu kazola batean, gatz pixka batekin. Su ertainean jarri eta gozatzen utziko ditugu barazkiak, kolorerik hartu gabe, ez mikazteko. 25 minuturen ostean erantsiko dugu haragi saldarako pastilla, mutur bat baino ez, eta biraka nahasiko dugu barazkiekin. Esnegaina eta ura gaineratuko ditugu ondoren: 10 bat minutuan edukiko dugu guztia su eztian irakiten. Gatza eman, albahaka hostoa erantsi eta mehe-mehe xehatuko dugu saltsa, iragazki fin batetik igarota. Gatz-puntua zuzenduko dugu berriro.
Garrantzitsua da piper-berdea ez gorritzea, potxatu egin behar du, saltsak piper berde gordinaren zaporea izan dezan, baina mikaztu gabe. Saltsa hau edozein arrain salteaturen lagungarri izan daiteke: hegaluzea, atuna, ongi txigorturiko xapo solomoak.
Piper berdeen saltsa
Pasta barazkiekin
Pasta barazkiekin – Osagaiak Tipulin bat, txiki-txiki egina Piper berde bat, txiki-txiki egina Piper gorri bat, txiki-txiki egina Porru bat, txiki-txiki egina Lekak, zerrenda laburretan moztuak eta hariak kenduta. Eskutada bat Dozena bat orburu bihotz, …
Baratxuriak edo tipulak nola zuritu mikrouhinetan
Baratxuriak edo tipulak nola zuritu mikrouhinetan – Beharrezkoak Plater bat Teknika/Errezeta Batzuetan ez da modurik izaten baratxuri ale bat edo hornigai gisako tipula txiki bat behar den bezala zuritzeko. Ongi zuritzeko modu bat hauxe dugu: …
Gernikako piperrak tenpuran
Gernikako piperrak tenpuran – Osagaiak 400 g Gernikako piper fresko eta erdi neurriko 150 g irin Ura, litro laurdena Azukrea, ximiko bat Okindegiko legamia prentsatua, 15 g Gatza, koilarakada erdia Oliba edo eguzki-lore olioa, frijitzeko …
Uraza eta tipula entsalada
Uraza eta tipula entsalada – Osagaiak 2 letxuga ertain, xamur-xamurrak 5 luzoker edo pepino ertain, oso freskoak Oliba olio birjina, 10 koilarakada Limoi baten zukua Gatza eta piperbeltz eho berria Errezeta Letxuga hostoak ur hotzean …
Pipermorro erreak entsaladan
Osagaiak 15 pipermorro erre, azal eta hazia kenduta, katilu batean jarririk beren zukuarekin Oliba olio birjina, 5 koilarakada Koilarakada bat sagardo-ozpin Gatz zimiko bat Perrexil hosto batzuk, edo hobe albahaka freskoarenak, zerrenda mehetan *Lau pertsonentzat …
